Solingen

Solingen ye una ciudá d'Alemaña ( escuchar ), integrada nel sector alministrativu de Düsseldorf, en Renania del Norte-Westfalia, y asitiada na redoma de Wuppertal y Remscheid. Ocupa una área de 89,45 km² y cuenta con 164.543 habitantes (avientu de 2003). Conocida internacionalmente pola calidá de les sos aceros, son bien famosos los cuchiellos, navayes y tisories que se fabriquen equí.

Solingen
Alministración
País	Alemaña
Estáu federáu	Renania del Norte-Westfalia
Government region of North Rhine-Westphalia (en)	Rexón de Düsseldorf
Tipu d'entidá	gran ciudá
Cabezaleru/a del gobiernu	Tim Kurzbach
Nome oficial	Solingen (de) Solich (li)
Nome llocal	Solingen (de)
Códigu postal	42601–42719 y 42655
Xeografía
Coordenaes	51°10′19″N 7°05′05″E
Solingen Solingen (Alemaña)
Superficie	89.54 km²
Altitú	53 m
Llenda con	Wuppertal, Wermelskirchen, Langenfeld, Haan, Remscheid, Hilden, Rhein-Berg District (en) y Mettmann
Demografía
Población	161 545 hab. (31 avientu 2023) - 77 284 homes (30 setiembre 2021) - 81 909 muyeres (30 setiembre 2021)
Porcentaxe	100% de Rexón de Düsseldorf
Densidá	1804,17 hab/km²
Más información
Fundación	1067 (Gregorianu)
Prefixu telefónicu	0212
Estaya horaria	UTC+01:00 (horariu estándar) UTC+02:00 (horariu de branu)
Llocalidaes hermaniaes	Aue, Złotoryja (en) , Gouda, Chalon-sur-Saône, Blyth, Ness Ziona, Jinotega, Thiès y Amasya
solingen.de

A Soligen conózse-y de cutiu como "la ciudá de los cuchiellos y navayes" o "ciudá con alma d'aceru", yá que a lo llargo del tiempu reconocióse-y pola so excelencia na fabricación d'espaes, cuchiellos, tisories y navayes d'afaitar de grandes firmes como DOVO Solingen, Böker, Wüsthof, J.A. Henckels, Böker, Eickhorn Solingen, ente munches otres. Wilkinson Sword tamién tien basada la so fabricación en Solingen.

En tiempos medievales, los espaderos de Solingen acuñaron la so imaxe al pueblu y caltúvose hasta los nuesos díes. En Solingen fabríquense'l 90 % de los cuchiellos y navayes d'Alemaña.

Historia

Navaya d'afaitar con decoraciones d'oru real fabricada en Solingen.

Monedes de necesidá de Solingen.

Solingen foi mentada per primer vegada nel añu 1067, por un cronista que llamó al área: "Solonchon". Les primeres variaciones del nome fueron "Solengen", "Solungen" y "Soleggen". Sicasí, el nome actual paez tar dende finales del sieglu XIV y principios del sieglu XV.

Foi'l llugar de forxadores de fierro dende hai 2000 años, amestándo-y fama a Solingen como un centru de ferrería nel norte d'Europa. Les espaes de Solingen fixéronse presentes nos reinos anglu-saxones y les islles britániques. El norte d'Europa túvo-y gran estima al armamentu fabricáu en Solingen, que foi comercializáu al traviés de tol continente. Anguaño, Solingen sigue siendo la capital de la cuchillería alemana.

Barrios

La ciudá tien 5 barrios:

• Gräfrath
• Wald
• (Solingen-)Mitte
• Ohligs/Aufderhöhe/Merscheid
• Höhscheid/Burg

Política

Ciudaes hermanes

Solingen tien les siguientes ciudaes hermanes:

	Złotoryja (Goldberg) en Polonia, dende 1955
	Gouda nos Países Baxos, dende 1957
	Chalon-sur-Saône en Francia, dende 1960
	Blyth en Reinu Xuníu, dende 1962
	Jinotega en Nicaragua, dende 1985
	Ness Ziona n'Israel, dende 1986
	Thiès en Senegal, dende 1990
	Aue en Sachsen, dende 1990
	Concepción del Uruguay n'Arxentina, dende 2005

Ver tamién

• Navaya d'afaitar