Sonia Fidalgo

Sonia Fidalgo (1975, Turón) ye una periodista y presentadora de televisión asturiana.

Sonia Fidalgo
conceyal del Conceyu d'Uviéu 17 xunu 2023 - Eleiciones: eleiciones municipales d'España de 2023
Vida
Nacimientu	Turón[1], 1975[1] (49/50 años)
Nacionalidá	España
Llingua materna	asturianu castellanu
Familia
Casada con	Xuan Bello
Oficiu
Oficiu	periodista, presentadora de televisión, política
Creencies
Partíu políticu	Federación Socialista Asturiana (dende 2023)[1]
IMDb	nm13276702

Biografía

Sonia Fidalgo nació en Xixón en 1975, anque paso la so infancia ente esta ciudá asturiana y Turón, en Mieres. Realizó los sos estudios primarios nel Colexu Públicu Evaristo Valle de Xixón, y pasaría dempués a estudiar Relaciones Llaborales.

Dende bien llueu s'arreya nel mundu de la comunicación. Entama na productora Videoimagen, redactando noticies para medios nacionales y rexonales como RTVE, TVG o ETB. Amás, tamién trabaya na radio, en cadenes como Cadena SER o Onda Cero. Mas tarde, pasa a ser responsable de la Delegación de Informativos Telecinco pa Asturies, Cantabria y Castiella y Llión^[2].

Tres la fundación de la Radiotelevisión del Principáu d'Asturies (RTPA) en 2005, Sonia incorpórase a esta. De magar, ye una de les presentadores mas reconocíes d'Asturies. Presenta programes como Sones, Cantadera (al pie de Chus Pedro), Terapia de Grupu, anque anguaño encárgase de proyectos bien conocíos como Babel o Pueblos.

Amás, nes elecciones municipales d'España de 2023 preséntose cuarta na llista del PSOE n'Uviéu, onde vive anguaño^[¿cuándo?].^[3]

Vida privada

Sonia Fidalgo ta casada col escritor n'asturianu Xuan Bello, cola que tien una fía.^[4] Vive en Caces, Uviéu.