Sylviidae

Los sílvidos (Sylviidae), son una familia d'aves de pequeñu tamañu qu'inclúi un gran númberu d'especies, magar que nuna dómina recién dixebráronse un bon númberu, formando les families Phylloscopidae, Cettiidae , Acrocephalidae y Megaluridae o Locustellidae. Son conocíes pol nome común de papudes.

Sylviidae
Clasificación científica
Reinu:	Animalia
Filu:	Chordata
Clas:	Aves
Orde:	Passeriformes
Familia:	Sylviidae Vigors, 1825
Xéneru
Myzornis Sylvia Lioptilus Pseudoalcippe Horizorhinus Rhopophilus Lioparus Paradoxornis Conostoma Fulvetta Chrysomma Chamaea
Sinonimia
Paradoxornithidae
Consultes
[editar datos en Wikidata]

Morfoloxía

Tienen el plumaxe suave y de colores apagaos, pardos, ocres, tintos y rosaos. Nun presenten dimorfismu sexual acusáu. Tienen el típicu picu estrechu y finu de los páxaros insectívoros^[1].

Alimentación

El so alimentu básicu son los inseutos qu'escuerren ente la vexetación^[2]

Hábitat

Esta familia axunta especies bien carauterístiques de los ambientes palustres, que suelen añerar nos carrizales. Son bien representatives de les zones húmedes y tienen presencia n'Asturies .

Distribución xeográfica

Viven n'Eurasia y África .

Vezos y costumes

Suelen tener un cantar melódicu y prestosu qu'emiten munches vegaes ente la fueya o escondíes.

Taxonomía

Arriendes de los estudios de Gelang et al (2009), delles especies que taben clasificaes como timálidos, pasaron a ser consideraes dientro de los sílvidos (Sylviidae). [3] Más tarde sicasí, la mayor parte pasaron a ser clasificaes a una familia distinta: los paradoxornítidos (Paradoxornithidae). [4] Según la clasificación del Congresu Ornitolóxicu Internacional (versión 11.1, 2021), la familia de los sílvidos ta formada namái por dos xéneros, con 34 especies:

• Xéneru Sylvia, con 7 especies.
• Xéneru Curruca, con 27 especies.