TT Centauri
From Wikipedia, the free encyclopedia
Remove ads
Coordenaes: 
13h 19m 35.016s, -60° 46′ 46.29″
TT Centauri (TT Cen / CD-60 4608 / CGCS 3367)[6] ye una estrella variable na constelación de Centauru. La so distancia al Sistema Solar nun ye bien conocida; diverses fontes dan una cifra entendida ente 2900[7] y 4500 años lluz.[8]
De tipu espectral CSe, TT Centauri ye una estrella de carbonu con ciertos atributos propios d'una estrella de tipu S. Les estrelles con estes cualidaes son bien pocu frecuentes, siendo UY Centauri el prototipu de les estrelles SC». TT Centauri tien una temperatura superfical de 2400 K y la so lluminosidá ye 6500 vegaes superior a la lluminosidá solar.[7] Na actualidá, pierde masa estelar a razón de 2,5 × 10-7 mases solares per añu.[8] Otra carauterística d'estes estrelles ye'l so gran tamañu; el radiu de TT Centauri ye 475 ~ vegaes más grande que'l radiu solar,[9] equivalente a 2,2 UA; si tuviera nel llugar del Sol, les órbites de los cuatro planetes interiores quedaríen englobaes nel interior de la estrella.
TT Centauri ye una variable Mira que'l so rellumu bazcuya ente magnitú +11,5 y +16,5 a lo llargo d'un periodu de 462 díes.[10] Nestes variables —ente les que se cunten Mira (ο Ceti) y R Centauri— la inestabilidá provién de pulsaciones na superficie estelar, lo que provoca cambeos de color y rellumu. Nel intre d'unos millones d'años TT Centauri va espulsar les sos capes esternes creando una nebulosa planetaria, quedando'l nucleu remanente como una nana blanca.
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads