Tabit
From Wikipedia, the free encyclopedia
Remove ads
Coordenaes: 
4h 49m 50.411s, 6° 57′ 40.588″
Tabit (π³ Orionis / π³ Ori / 1 Orionis)[9][10] ye una estrella na constelación d'Orión. Comparte la denominación de Bayer «Pi» con otros cinco estrelles, siendo ente éstes la más próxima a la Tierra, yá que se topa a 26,3 años lluz de distancia. Con magnitú aparente +3,60, ye tamién la más brillosa d'elles, per delantre de π4 Orionis, que s'atopa muncho más alloñada. El so nome puede provenir del árabe Al Thabit, «la que perdura».[11]
Tabit ye una nana mariella de tipu espectral F6V más caliente y lluminosa que'l Sol. Con una lluminosidá 2,7 vegaes mayor que la lluminosidá solar, tien una temperatura de 6419 ± 29K,[12] unos 600 K cimeru a la del Sol. El so diámetru ye un 30% más grande que'l radiu solar y xira sobre sigo mesma con una velocidá de rotación proyeutada de 19,2 km/s.[13] El so metalicidá —bayura relativa d'elementos más pesaos que'l heliu— ye llixeramente menor que la solar. Tien una masa de 1,25 mases solares y una edá envalorada de 2200 millones d'años, aproximao un 55% de la so vida dientro de la secuencia principal.[14]
Tabit paez ser una estrella llixeramente variable, posiblemente del tipu Delta Scuti, con una variación nel so rellumu de 0,05 magnitúes. Puede tener una compañera espectroscópica que nun pudo resolvese per aciu interferometría de moteáu. Coles mesmes, forma una doble óptica con una estrella de magnitú 8,8 asitiada a unos 95 segundos d'arcu.[10]
El movimientu de Tabit al traviés del espaciu avéra-y a la Tierra, de forma que dientro de 210.000 años va alcuéntrase a 15 años lluz del nuesu planeta. Anguaño Ross 41, a 5,1 años lluz de distancia, ye la estrella conocida más cercana a Tabit. Tabit ye unu de los oxetivos prioritarios del proyeutu Terrestrial Planet Finder (TPF) pa la busca de planetes terrestres que puedan allugar vida.[15]
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads