Taveuni

Taveuni ye una islla de Fixi, asitiada na División Norte. Por estensión, ye la tercera del archipiélagu, dempués de Viti Levu y de Vanua Levu. Tien un área total de 434 km². ya barganal de 9000 habitantes, de los cualos con una distribución de 75 % de indíxenas fixianos, según el censu de 1996. Ye un importante destín turísticu.^[1]

Sablera na mariña de Taveuni

Taveuni
Taveuni (en)
Situación
País insular	Islles Fixi
División	División Norte (es)
Provincia	Cakaudrove (es)
Tipu	islla
Asitiáu en	Océanu Pacíficu
Coordenaes	16°49′S 179°58′E
Taveuni Taveuni (Océanu Pacíficu)
Datos
Altitú media	1241 m
Puntu más altu	Monte Uluigalau (es)
Superficie	434 km²
Población	19 000 (2015)
Llonxitú	42 km

 

Xeografía

Taveuni ye una islla volcánia asitiada al norte del mar de Koro. Ta disebrada de Vanua Levu pol estrechu de Somosomo. La islla tien 10,5 km d'anchu y 42 km de llargu, ye un volcán n'escudu que s'alza dende el llechu del océanu Pacíficu. Ello ye que cunta con barganal de cientu cincuenta conos volcánicos, incluyendo el Uluigalau, que con 1241 m.s.n.m. ye el mayor picu de la islla y el segundu a escala nacional, y el Picu Deas Vœux, con 1195 m.s.n.m.

Rexistráronse 58 erupciones volcániques dende la llegada de los humanos ente el sieglu X y el sieglu xX a.C., qu'afectaron los sos dos tercios meridionales. N'efectu, ente el 300 y el 500 a.C. causaron l'abandonu de la parte sur hasta el 1100. Hubo otra importante erupción con lava en 1550.^[2]

Taveuni ye famosa ente otres por ser travesada pol meridianu 180°, conocíu por ser la llínea internacional de cambéu de fecha.

L'aldega principal ye Somosomo, na mariña oeste. Taveuni ye conocida pola so abondosa flora conózse-y como la «islla xardín de Fixi», qu'inclúi delles especies que solo s'atopen na islla. El Parque Nacional del Patrimoniu de Bouma, na mariña esti, alluga una selva tropical prístina y trés cascaes, caúna d'unos 20 metros d'altor.

La copra ye el productu principal. ^[3]