Tiempu

El tiempu^[1] ye la magnitú física que mide la dura de les coses suxetes a cambéu, esto ye, el cachu que trescurre ente dos eventos consecutivos que se miden d'un pasáu haza un futuru, pasando pel presente. Ye la magnitú que permite parametrizar el cambéu y ordenar los socesos en secuencies, estableciendo un pasáu, un presente y un futuru, y da llugar al principiu de causalidá, ún de los axomes del métodu científicu.

Tiempu
propiedá física escalar y entidad espacio-temporal (es)
socesión

La so unidá básica nel Sistema Internacional d'Unidaes ye'l segundu. El so símbolu ye s, nun pudiéndo escribise con mayúscules por ser un símbolu y non una abreviatura, nin "seg" nin con un puntu al final.