Tito Okello

Tito Lutwa Okello (15 d'ochobre de 1914, Distritu de Kitgum – 3 de xunu de 1996, Kampala) foi un políticu y militar ugandés. Foi presidente d'Uganda ente'l 29 de xunetu de 1985 y el 26 de xineru de 1986.

Tito Okello
8. Presidente d'Uganda 29 xunetu 1985 - 26 xineru 1986 ← Bazilio Olara Okello - Yoweri Museveni →
Vida
Nacimientu	Distritu de Kitgum, 15 d'ochobre de 1914[1]
Nacionalidá	Uganda
Muerte	Kampala, 3 de xunu de 1996[2] (81 años)
Sepultura	Distritu de Kitgum
Estudios
Llingües falaes	inglés
Oficiu
Oficiu	políticu
Premios	ver Ribbon bar of the Kagera River Medal
Serviciu militar
Cuerpu militar	Exércitu Británicu
Graduación	xeneral
Lluchó en	Uganda–Tanzania War (en)
Creencies
Partíu políticu	Uganda National Liberation Front (en)

Biografía

Primeros años

Tito Okello nació nuna familia d'orixe acholi en 1914 nel Distritu de Kitgum. Tenía un hermanu menor, Erisanweri Opira.

Ingresó a la King's African Rifles en 1940 y participó na Campaña d'África Oriental mientres la Segunda Guerra Mundial. Na so carrera como oficial del exércitu tuvo dellos destinos.

Okello foi unu de los comandantes de la Fuercia Popular de Defensa de Tanzania y del Exércitu Nacional de Lliberación de Uganda que derrocó a Idi Amin en 1979. Foi Comandante del Exércitu Nacional de Lliberación ugandés ente 1980 y 1985.

Golpe d'estáu

En xunetu de 1985, xunto con Bazilio Olara-Okello, Tito Lutwa Okello empezó les maniobres pal golpe d'estáu contra Milton Obote. Gobernó como presidente mientres seis meses hasta que foi derrocáu pol Exércitu de Resistencia Nacional (NRA) qu'opera so la direición del actual presidente, Yoweri Museveni. Se exilió en Kenia dempués de que fuera derrocáu.

Últimos años

Okello tornó del exiliu en 1993, cuando se -y ortorgó per parte del presidente Museveni una amnistía ya instalóse en Kampala. Morrió trés años más tarde, d'una enfermedá non revelada, el 3 de xunu de 1996. Tenía 82 años nel momentu de la so muerte. Los sos restos fueron soterraos nel so llar ancestral nel distritu de Kitgum.