Tom Hardy
From Wikipedia, the free encyclopedia
Remove ads
Edward Thomas "Tom" Hardy (15 de setiembre de 1977, Hammersmith) ye un actor inglés. Ganó reconocencia pol so trabayu na película Bronson (2009) y por papeles secundarios en películes como Star Trek: Nemesis o Inception. Interpretó tamién a Tommy Riordan en Warrior, a Bane en The Dark Knight Rises y a Max Rockatansky, protagonista de Mad Max: Fury Road.
_rib.PNG){kind=small}
En 2010 recibió'l BAFTA a la estrella emerxente. Pola so interpretación de John Fitzgerald, antagonista de Leonardo DiCaprio en The Revenant, recibió una nominación al Óscar a Meyor Actor de Repartu en 2016.
Remove ads
Biografía
Primeros años
Edward Thomas Hardy nació nel distritu de Hammersmith, en Londres, y creció nel suburbiu d'East Sheen.[3][4] Ye l'únicu fíu de Ann, una artista, y de Edward Chips Hardy, escritor.[4]
Cursó estudios secundarios na Reeds School y estudió arte dramático na Richmond Drama School y el Drama Centre London.[4][5]
Carrera
El so primer trabayu foi na miniserie de 2001 Band of Brothers, a la que siguió la película Black Hawk Down, de Ridley Scott.[6] En 2003 debutó en teatru como Skank en In Arabia We'd All Be Kings, de Stephen Guirgis, nel Hampstead Theatre.[7][8] trabayu pol que foi nomáu al premiu Laurence Olivier y recibió un Evening Standard, dambos na categoría Actor Revelación.[9][10] Esi mesmu añu participó nes puestes de Blod, de Lars Norén, nel Royal Court y de The Modernists, de Jeff Noon nel Crucible Theatre de Sheffield.[11][12] En 2006 realizó un papel secundariu en María Antonieta, de Sofia Coppola,[ensin referencies] y en 2008 en RocknRolla, de Guy Ritchie.[3] En 2007, interpretó a Dorimant en Home a la moda, comedia de la Restauración de George Etherege, dirixida por Nicholas Hytner nel National Theatre.[13] En 2009 protagonizó Bronson.[3]
En 2010, participó en Inception, dirixida por Christopher Nolan.[14] Por esti trabayu recibió'l Orange Rising Star Award.[15]
En 2011, participó en Tinker Tailor Soldier Spy, adautación cinematográfica de la novela homónima de John le Carré. Al añu siguiente, encarnó a Bane en The Dark Knight Rises, la última entrega de la triloxía, dirixida por Nolan.[3]
Tamién interpretó los roles protagónicos de Locke de 2013,[3] The Drop de 2014,[3] Mad Max: Fury Road de 2015, Child 44 y Legend nel papel doble de los ximielgos Kray (Ronnie y Reggie), dos gangsters del Londres de les décades del 50 y 60.[16]
En 2016 foi nomáu a un Óscar a Meyor Actor de Repartu pol so trabayu en The Revenant.[17]
En 2017, protagonizó la serie Taboo, que creó al pie del so padre y Steven Knight y foi producida por Ridley Scott.[18] Tamién participó na película Dunkerque, onde volvió trabayar con Nolan.[19]
En 2018, interpreta a Eddie Brock (Venom) en Venom, con fecha de estreno'l 5 d'ochobre.[20][21]
Remove ads
Vida privada
Hardy tuvo casáu con Sarah Ward ente 1999 y 2004.[5] En 2014, casóse con Charlotte Riley, a quien conoció filmando Cumes burios.[3] Tien dos fíos: unu con Riley y otru d'una rellación anterior.[22][4]
Filmografía
Remove ads
Premios y nominaciones
Premiu Óscar
Premios BAFTA
Crítica Cinematográfica
British Independent Film
Premios Sant Jordi
Premios Satellite
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads