Toni Cruz

Antonio Cruz Llauna (14 de xunetu de 1946, Girona – 11 de xunetu de 2025, Barcelona), conocíu como Toni Cruz, foi un cantante y productor de televisión español. Foi conocíu principalmente ser miembru del grupu musical humorísticu La Trinca.

Toni Cruz
Vida
Nacimientu	Girona[1], 14 de xunetu de 1946
Nacionalidá	España
Llingua materna	catalán
Muerte	Barcelona, 11 de xunetu de 2025[2] (78 años)
Causa de la muerte	enfermedá[3]
Estudios
Llingües falaes	catalán castellanu
Oficiu
Oficiu	cantante, productor de televisión, direutor de cine, actor
Miembru de	La Trinca
Instrumentu musical	voz
IMDb	nm0190478

Biografía

Siendo entá adolescente, treslladóse a vivir a la ciudá de Canet de Mar, onde conoció a Josep Maria Mainat, con quien acumuñó'l restu de la so trayeutoria profesional.

A mediaos de la década de los sesenta, dambos formaron el grupu musical The Blue Cabrits. En 1968, Miquel Àngel Pasqual incorporóse al proyeutu y nació La Trinca, unu de los grupos musicales de mayor repercusión en Cataluña mientres la década de los setenta.

Nos ochenta, la banda, calteniendo'l so estilu humorísticu ya irónicu, llanzóse al mercáu del restu d'España, empezando a grabar los sos cantares en castellán. Diéronse a conocer tamién al traviés de la televisión col programa Tariro, tariro (1988-1989), continuación del qu'en 1987 realizaren pa la TV3 catalana Non passa res.

Empecipiada la década de los noventa y disuelta La Trinca, Cruz, xunto a Mainat, dedicóse al mundu de la producción televisiva, al traviés de la productora Gestmusic, que fundaron en 1987. Gestmusic integraríase darréu n'Endemol, y Cruz foi nomáu presidente d'Endemol-España.

N'alredor de dos décades, Cruz tuvo al mandu de una de les productores que marcaron l'aldu de la televisión comercial n'España, al traviés de programes emblemáticos como La parodia nacional, Crónicas Marcianas y, sobremanera, Operación Triunfo y Eurojunior.

Muerte

Finó na mañana del 11 de xunetu de 2025 (tres díes enantes de celebrar el so cumpleaños 79) na so casa, en Barcelona, por aciu d'una curtia enfermedá.^[4]

Televisión

• No passa res, (1987) en TV3.
• Tariro, Tariro, (1988-1989) en TVE.
• No te rías, que es peor (1990-1995) en TVE.
• Sinceramente Ana Rosa Quintana, (1997) n'Antena 3.
• Crónicas marcianas, (1997-2005) en Telecinco.
• El candelabro, (1999) en Telecinco.
• Operación Triunfo, (2001- 2025 en TVE y Telecinco.
• Triunfomanía, (2002) en TVE.
• El castillo de las mentes prodigiosas, (2004) n'Antena 3.
• ¡Mira quién baila! (2005-2014) en TVE y Telecinco.
• Cantamanía, (2006) en TV3.
• Operación Tony Manero, (2008) en Telecinco.
• Tú sí que vales, (2008-2009) - Telecinco.
• El número uno, (2012-2013) n'Antena 3.
• Uno de los nuestros, (2013) en TVE.
• Bailando con las estrellas (2018) en TVE.