Toro

Toro ye un conceyu de la provincia de Zamora, na comunidá autónoma de Castiella y Llión, España. Según el INE en 2010 tenía 9.748 habitantes.

Toro
Alministración
País	España
Autonomía	Castiella y Lleón
Provincia	provincia de Zamora
Tipu d'entidá	conceyu d'España
Alcalde de Toro (es)	Tomás del Bien Sánchez (Partíu Socialista Obreru Español)
Nome oficial	Toro (es)[1]
Códigu postal	49800
Xeografía
Coordenaes	41°31′12″N 5°23′41″W
Toro Toro (España)
Superficie	324.86 km²
Altitú	735 m[2]
Llenda con	Villardondiego, Villavendimio, Morales de Toro, San Román de Hornija, Villafranca de Duero, Castronuño, Villabuena del Puente, El Pego, Valdefinjas, Venialbo, Sanzoles, Peleagonzalo, Madridanos, Villalazán, Freisnu de la Ribera, Villalube, Matilla la Seca y Pozoantiguo
Demografía
Población	8369 hab. (2024) - 4260 homes (2020) - 4405 muyeres (2020)
Porcentaxe	5.05% de provincia de Zamora
Densidá	25,76 hab/km²
Más información
Estaya horaria	UTC+01:00 (horariu estándar)[3] UTC+02:00 (horariu de branu)[3]
Llocalidaes hermaniaes	Condom, Dormagen y Vignoc
toroayto.es

Xeografía

Allúgase nel nordeste de la península Ibérica. Averáu la ciudá dibuxase'l ríu Dueru, que colúmbrase dende'l tesu qu'ocupa la ciudá. Tamién percorren el so términu'l ríu Guareña ya'l regueru “Hornija”.

Historia

Enantes de la invasión de la península polos Romanos, Toro conocíase polos fenicios col nome d' Arbucala, (Mas información: "Aventura de los romanos en Hispania-Edit la esfera de los libros").

Economía

Bultable pola so producción vinícola que, dada la so calidá, dende hai años merez la Denominación d'orixe Toro.

Monumentos

• Restos de la muria que protexera la ciudá.
• Ponte del sieglu XV.
• Colexata de Santa María la Mayor del sieglu XII, que a la so vez abelluga'l Pórticu de la Maxestá), románica ya gótica. Na sacristía tá'l perfamosu cuadru la mosca, asina como un Calvariu de marfil esceicional n'España ya una custodia de plata que tuviera en Londres hasta hai pocos años.
• La Ilesia de San Salvador y San Llorienzu, los restos de San Pedro del Olmo ya Santa María de la Vega d'orixe mudéxar.
• Arcu del reló del sieglu XVIII. Diz una lleenda qu'en l'argamasa pa la so construcción emplegóse vinu en llugar d'augua, pola gran cantidá que se producía y por ser más económico que xubir l'augua del ríu Dueru.
• Monesteriu de Sancti-Spiritus.
• Plaza de toros, construída'n 1828, por enteru de madera.

Efemérides

Nesta ciudá aconteciera la batalla de Toro ente Isabel La Católica y Juana «la Beltranexa», ganada pola primera, entamando asina la unidá d'España.

Francisco Iglesias Carreño nun aconceyamientu na ciudá de Toro entama'l proyeutu del "Partido Regionalista del País Leonés" (PREPAL) que pa finar foi llegalizáu na data 19 de setiembre de 1980.

Fiestes

• Antroidos: Declarada d'interés turísticu rexonal (febreru-marzu). L'Antroidu de Toro ye un de los más destacaos de Llión, y ye ún de los pocos que caltúvose nes prohibiciones pola mor de la Dictadura Franquista.
• Selmana Santa.
• Romería del Cristu les Batalles (Mayu).
• Feria del Ayu de Toro (Xunu).
• Feries ya Folixes de San Agustín (28 d'agostu ). Nestes hai un festexu nomáu Fonte del Vinu que consiste en poner una pipa de vinu na plaza Toros ya soltar un nuviellu
• Virgen del Canto: (8 de setiembre).
• Fiesta de la Vendimia (12 d'ochobre). Na vendimia sal una filera de carros a l'antigua usanza.

Llocalidaes hermaniaes

Les ciudaes hermaniaes con Toro son:

• Condom ( Francia)
• Dormagen ( Alemaña)
• Vignoc ( Francia)