Torregalindo
conceyu de la provincia de Burgos (España) From Wikipedia, the free encyclopedia
Remove ads
Torregalindo ye una llocalidá y un conceyu[3] asitiaos na provincia de Burgos, na comunidá autónoma de Castiella y Llión (España), contorna de la Ribera del Duero, partíu xudicial d'Aranda, cabecera del conceyu del so nome.
Remove ads
Xeografía
Ye un pueblu asitiáu nel sur de la provincia de Burgos na aguada atlántica,[4] a 750 msnm, bañáu pol ríu Riaza, a unos 92 km de la ciudá de Burgos y 12 km d'Aranda de Duero.
El términu municipal tien un área de 15,36 km² con una población de 147 habitantes (INE 2007) y una densidá de 9,57 hab/km².
Comunicaciones
Ferrocarril: Hasta'l zarru[5] de la llinia de ferrocarril Valladolid-Ariza, agora'l ferrocarril direutu Madrid-Burgos na estación de Aranda.
Autobús: Llinia Aranda–Segovia, na carretera autonómica CL-603 que circunvala la llocalidá.
Remove ads
Historia

La so fortaleza data siquier del sieglu X.[6] Formaba parte de la llinia defensiva a lo llargo del ríu Riaza.[6]
Hasta mediáu'l sieglu XIII perteneció a la Comunidá de Villa y Tierra de Haza,[6] al oeste de la población, tamién xunto al Riaza. A partir d'entós foi apostada por dellos señores feudales, como tola contorna.[6] Perteneció a los López de Haro, señores de Vizcaya.
Nel sieglu XV (1479) Beltrán de la Cueva, primer duque de Alburquerque, foi'l que reforzó la fortaleza cola torre circular qu'entá caltién.[6] Fuera nomáu señor del llugar por Enrique IV de Castiella y remozó el castiellu.[6]
La población acabó finalmente en manes de los condes de Siruela.[6]
Villa, cabecera de l'antigua Xurisdicción de Torregalindo nel Partíu d'Aranda de Duero,[7] con xurisdicción de señoríu exercida pol Duque de Siruelo[8] quien nomaba'l so Alcalde Ordinariu.
A la cayida del Antiguu Réxime queda constituyida como conceyu constitucional del mesmu nome nel partíu d'Aranda de Duero, rexón de Castiella la Vieya,[9] que nel Censu de la matrícula catastral cuntaba con 27 llares y 113 vecinos.
Remove ads
Demografía
1991 | 1996 | 2001 | 2004 | |||
---|---|---|---|---|---|---|
170 | 157 | 141 | 126 |
Llugares d'interés
- Ilesia católica de San Xuan Bautista, románica.
- Ruines de castiellu medieval: d'orixe altomedieval, apodera la población y parte del valle del Riaza.[6] Tien planta con forma de nave, a la que depués se -y añader una gran torre triangular a llevante y una torre circular con troneres a poniente.[6] Mide aproximao unos 60 m. de llargu y 25 d'anchu.[6] La so construcción ye basta y probe, predominando la mampostería.[6]
- Molín d'agua
- Ribera del ríu Riaza
- Llagares y bodegues
Remove ads
Fiesta y costumes
El 24 de xunu, San Xuan Bautista y el 30 de payares, San Andrés.
Branu cultural a mediaos d'agostu, con actividaes entamaes pola Asociación Deportivu-Cultural Condegalindo.
El 5 de xineru recréase una cabalgata de reis con belén viviente, con gran participación y asistencia de visitantes.
Parroquia
Ilesia católica de San Xuan Bautista, dependiente de la parroquia de Campillo nel Arciprestalgu de Roa, diócesis de Burgos.[10]
Referencies
Bibliografía
Enllaces esternos
Wikiwand - on
Seamless Wikipedia browsing. On steroids.
Remove ads