Trametes versicolor
From Wikipedia, the free encyclopedia
Remove ads
Les especies de fungos con nome común en llingua asturiana márquense como Nmic. En casu contrariu, conséñase'l nome científicu.
La esca'l podrizu[1] (Trametes versicolor), — enantes conocida como Coriolus versicolor o Polyporus versicolor — ye una cogorda poliporu desaxeradamente común que pue atopase globalmete.
Versicolor significa 'de munchos colores' en llatín. T. versicolor ye reconocida como una cogorda melecinal en Medicina china col nome de yun zhi (chinu simplifcáu: 云芝, chinu tradicional: 雲芝). En China y Xapón T. versicolor ye usáu como terapia inmuno ayudante para cáncer.[2]
Remove ads
Descripción y ecoloxía
La superficie cimera de la cogorda amuesa zones típiques concéntriques de distintos colores. Carne 1-3 mm de testura gruesa, correosa. Tapa cola roya marrón o marrón más escuro, dacuando les zones de color coritu. Los exemplares mayores, puen tener zones con algues verdes que crecen nellos, colo qu'apaez de color verde. Comúnmente crez en capes d'azulexos. Tapa plana, d'hasta 8 x 5 x 0,5-1 centímetros, de cutiu triangular o redondu, con zones de pelos finos. Superficie porosa ablancazada a marrón claro, poros redondos y cola edá retorcigañada y llaberíntica. 2-5 poros por milímetru
La esca'l podrizu tien potencial de biorremediación acordies con micólogu Paul Stamets. La T. versicolor biodegrada una variedá de contaminantes. Sirve d'alimentu a la gata de (Betulinella nemaxera) y pol viérbene del Polyporivora picta.[3]
Remove ads
Valor melecinal
El Polisacáridu-K (Krestin 'PSK'), ye un polisacáridu amestáu a proteínes aislláu dende'l Trametes versicolor, que s'usa como un estimulador del sistema inmune y axente coadyudador nel tratamientu del cáncer en dellos países d'Europa, y tamién China y Xapón. En Xapón, el PSK ta aprobáu como adyuvante pa la terapia del cáncer[4] y ta cubiertu pol seguru de salú del gobiernu. PSK tien actividá anti cancerosa in vitro documentada,[5] in vivo[6] y en pruebes con humanos.[7] La investigación tamién demostró que'l PSK pue amenorgar el desenvolvimientu canceríxenu inducíu por mutáxenos, inducíu pola radiación, ya inducíu en forma bonal.[8] PSK demostró ser beneficiosu como coadyuvante nel tratamientu de cáncer d'estómagu, d'esófagu, colorrectal, mama y pulmón.[9] Ensayos fechos n'humanos suxeren que'l PSK pue amenorgar a la recurrencia del cáncer cuando s'usa como adyudante[7] [10] y la investigación n'humanos demostró que pue inhibir la crecedera de ciertes célules canceroses in vitro.[11][12][13]
Amás los estudios In vitro amosaron qu'un amiestu de nutracéuticos (MC-S) de PSK, lentinanu y otros estractos de fungos tamién puen tornar la proliferación de célules canceroses.[14]
Unu de los meyores hospitales oncolóxicos d'Estaos Xuníos,[15] el MD Anderson informó de que se trata d'un "candidatu prometedor pa la quimioprevención por cuenta de los múltiples efeutos sobre'l procesu malinu, efeutos secundarios llindaos y la seguridá de dosis orales diaries mientres periodos enllargaos de tiempu."[16]
Remove ads
Galería d'imáxenes
2 variedaes de T. versicolor nel mesmu árbol.
Especímenes pálidos
Semeya cercana de T. versicolor.
Primer planu, amosando parte inferior y los poros d'un espécime antiguu de T. versicolor.
Ver tamién
- Polisacáridu-K
- Polisacáridu péptidu
- Medicina tradicional china
- Fungos melecinales
Referencies
Enllaces esternos
Wikiwand - on
Seamless Wikipedia browsing. On steroids.
Remove ads