Turdus pilaris

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu. El malvís carrascal ye una especie d'ave paseriforme de la familia Turdidae.^[1]

Turdus pilaris paniega
Estáu de caltenimientu
Esmolición menor (IUCN)
Clasificación científica
Reinu:	Animalia
Filu:	Chordata
Clas:	Aves
Orde:	Passeriformes
Familia:	Turdidae
Xéneru:	Turdus
Especie:	T. pilaris Linnaeus, 1758
Distribución
Consultes
[editar datos en Wikidata]

Descripción

El malvís carrascal ye un páxaru grande, algama un llargor d'unos 26 cm y un pesu de 100 gramos. Les femes y los machos son bien similares. El so envés ye de color castañu y la zona posterior de la so cabeza, el cogote y l'obispillu son de color gris azuláu. La zona inferior de les nales ye blanca y de color pardu na so parte cimera. El so pechu ye acoloratáu con pintes negres, siendo'l restu de les sos partes inferiores de color blancu. La cola ye de color pardu na parte cimera.

Distribución

Solo una parte de la población migra, les aves muévense del norte escontra'l sur peliviernu. Reproduzse en montes y carbes en Escandinavia y l'antigua Xunión Soviética incluyíos los estaos bálticos. N'Europa central la zona de reproducción llega hasta Holanda, Bélxica, Alemaña, Suiza, y Francia. Magar qu'escasamente nidifica en Gran Bretaña ya Irlanda, grandes bandaes pasen l'iviernu nestos países. Ye avezáu que mientres la migración y mientres el periodu ivernizu les aves formen grandes bandaes. Munches vegaes xunto colos malvises alirrojos.

Dieta

Pareya nel nial.

Ye omnívoru, alimentándose d'una amplia gama d'inseutos, viérbenes y cascoxos mientres el branu y de bagues mientres l'iviernu.

Reproducción

exemplar xuvenil de malvís real (Turdus pilaris)

Turdus pilaris

Añera nos árboles, poniendo dellos güevos nun nial refechu. Polo xeneral la fema constrúi un nial de folla y yerbes. Pon de 5 a 6 güevos de color verdosu con pequeñes pintes, la fema guarar mientres 2 selmanes. Dambos padres alimenten a los pitucos que tán en condiciones de volar a les 2 selmanes de nacer.

Ye común velos añerar en pequeñes colonies, posiblemente pa protexese de los cuervos grandes. Reparóse que defenden el so nial atacando a aves predadoras como los cuervos dexando cayer fieces sobre les sos ales.

El machu tien un cantar simple paeciendo dicir "chac-chac", un individuu que busca restablecer contautu cola so bandada suel llanzar un "uic" nun tonu agudu.

Etimoloxía

El so nome n'inglés Fieldfare deriva del anglosaxón feld-fere que significa viaxeru de los campos, probablemente pol so constante movimientu mientres s'alimenta.^[2]