Tyto multipunctata

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu.

Tyto multipunctata
Estáu de caltenimientu
Esmolición menor (IUCN 3.1)
Clasificación científica
Reinu:	Animalia
Filu:	Chordata
Clas:	Aves
Orde:	Strigiformes
Familia:	Tytonidae
Xéneru:	Tyto
Especie:	T. multipunctata Mathews, 1912
Consultes
[editar datos en Wikidata]

Tyto multipunctata o Curuxa motuda ^[1] ye una especie d'ave estrixiforme de la familia Tytonidae endémica de la rexón tropical húmeda del nordés d'Australia.^[2] Enantes considerábase conespecifica de la curuxa tenebrosa (Tyto tenebricosa), anque anguaño considerábense especies separaes. ^[3]

Descripción

Como n'otres aves de presa, les femes son de mayor tamañu (37 cm) que los machos (33 cm). El so plumaxe ye principalmente gris con motudu blancu, salvu nel banduyu que ye blancu, y tienen llistáu negru nes plumes de vuelu. Presenta un discu facial en forma de corazón col cantu escuru, que'l so interior pue ser gris o ablancazáu.

Ecoloxía

Aliméntense principalmente de royedores y pequeños marsupiales terrestres como los bandicuts, anque dacuando tamién atrapen aves y dellos mamíferos arborícoles como les esguiles planeadoras.^[4] Les curuxes motudes tienen una llarga llonxevidá y tases de reproducción baxes. La so dómina de cría ye de xineru a agostu. Ye una especie abondosa na so llindada área de distribución nel este de la península de Cabo York, y son animales protexíos poles lleis d'Australia. ^[5]