UY Pictoris
From Wikipedia, the free encyclopedia
Remove ads
UY Pictoris (UY Pic)[1] ye un sistema estelar na constelación de Pictor. Alcuéntrase a 82 años lluz del Sistema Solar y allóñase de nós a unos 33 km/s; fai 762.000 años tuvo a namái 7,6 años lluz de distancia.[2]
La componente principal del sistema, HIP 26373, ye una nana naranxa de magnitú aparente +8,2. Tien tipu espectral K0V y una temperatura superficial de 5200 K.[3][4] El so radiu ye un 10% más pequeñu que'l radiu solar y xira sobre sigo mesma con una velocidá de rotación proyeutada de 17,7 km/s. El so periodu de rotación ye de 4,52 díes.[5] Tien una masa un 10% inferior a la masa solar y ye una estrella bien nueva con una edá averada de 23 millones d'años.[6] Amuesa actividá cromosférica.[7] Presenta una metalicidá equivalente a una tercer parte de la que tien el Sol ([Fe/H] = -0,49)[8][9] pero la so bayura de litiu ye cimeru a la solar (logє[Li] = 2,68).[4] Nun se detectó escesu na emisión infrarroxa nin a 24 μm nin a 70 μm,[3] polo que nun paez tar arrodiada por un discu circumestelar de polvu. Catalogada como variable de tipu RS Canum Venaticorum, la oscilación del so rellumu ye de 0,13 magnitúes.[10]
La componente secundaria del sistema, HIP 26369, tien magnitú 9,8 y ta separada visualmente de la primaria 18 segundos d'arcu. Ye una nana naranxa de tipu K6Ve con una temperatura de 4197 K. La so velocidá de rotación ye de siquier 28 km/s[4] y tien una masa de 0,7 mases solares.[5][6] Evidencia gran actividá cromosférica, mayor que la del so acompañante.[7]
El sistema ye miembru de la nueva Asociación estelar de AB Doradus,[5] de la que tamién formen parte, ente otros, AB Doradus, AK Pictoris y PW Andromedae.
Remove ads
Referencies
Wikiwand - on
Seamless Wikipedia browsing. On steroids.
Remove ads