U Arietis
From Wikipedia, the free encyclopedia
Remove ads
Coordenaes: 
3h 11m 3.038s, 14° 48′ 0.312″
U Arietis (U Ari / HD 19737 / GCRV 1753)[7] ye una estrella variable na constelación d'Aries. Alcuéntrase aproximao a 2530 años lluz del Sistema Solar.[8]
U Arietis ye una estrella Mira rica en oxíxenu de tipu espectral variable ente M4 y M9.5IIIe. El so rellumu bazcuya ente magnitú +7,2 y +15,8 a lo llargo d'un periodu de 371,1 díes.[9] El so diámetru angular, midíu en banda K, ye de 6,11 milisegundos d'arcu,[10] ente que per aciu tapecimientu llunar llogróse un valor llixeramente cimeru, de 7,3 ± 0,3 milisegundos d'arcu; dambes midíes fueron realizaes cerca del mínimu. Coles mesmes, reparáronse discrepancies ente midíes llevaes a cabu en distintes rexones del espectru infrarroxu, que pueden esplicase pola presencia d'una fina capa d'agua caliente —ente 1500 y 2000 K— cerca de la fotosfera de la estrella.[8] El diámetru d'U Arietis ye 610 ~ vegaes más grande que'l del Sol, rellumando con una lluminosidá 8400 ± 3500 vegaes mayor que la lluminosidá solar. La temperatura efectivo envalorada, 2280 ± 80 K, ye más baxa de lo que cabría esperar pa una variable Mira (~ 3000 K).[8]
Como ye característicu nesta clase de variables, esiste perda de masa estelar, que nel casu d'U Arietis ye del orde de 57 × 10-8 vegaes la masa solar per añu. Piénsase que la so proxenitora yera una estrella de la secuencia principal de 1,3 mases solares.[8]
Remove ads
Ver tamién
Referencies
Enllaces esternos
Wikiwand - on
Seamless Wikipedia browsing. On steroids.
Remove ads