Unai Sordo
sindicalista español From Wikipedia, the free encyclopedia
Remove ads
Unai Sordo Calvo (2 d'ochobre de 1972, Barakaldo) ye un líder sindical español. Secretariu xeneral de CCOO del País Vascu dende 2009,[1] foi escoyíu secretariu xeneral de CCOO nel so XI Congresu Confederal. Con anterioridá, foi tamién secretariu de Mocedá (2000-2004) y Territorial de Bizkaia (2004-2009).
Remove ads
Biografía
Unai Sordo ñació'l 2 d'ochobre de 1972 en Barakaldo (Bizkaia), nuna familia de clase humilde orixinaria de Valladolid.[2] Ye diplomáu en Graduáu Social pola Universidá del País Vascu (UPV-EHU) y trabayó nel sector de la industria de la madera enantes d'incorporase con responsabilidá al sindicatu. Amás, foi militante activu mientres los años anteriores a la so integración.
Trayeutoria
En xunu del añu 2000, nel VII Congresu, Unai Sordo asumió la Secretaría de la Mocedá de CCOO-Euskadi. Nel VII Congresu (2004) pasó a ser responsable territorial de Bizkaia. Dientro'l sindicatu, Sordo tamién participó nel siguimientu de eleiciones sindicales, formación interna y desendolcu de campañes.
Foi escoyíu secretariu xeneral de CCOO-Euskadi nel IX Congresu, celebráu en 2009, siendo reelixíu nel X Congresu (2013) col sofitu del 96% de los delegaos.[3]
El 11 de marzu de 2017, Ignacio Fernández Toxo, secretariu xeneral de CCOO, anunció que nun se presentaría a la reelección nel XI Congresu Confederal, que se diba celebrar en xunu d'esi añu. Darréu, sofitó énte'l Conseyu Confederal del sindicatu la candidatura de Sordo, que llogró 117 votos a favor y 6 astenciones.[4][5] Sicasí, Toxo afirmó qu'esti sofitu "nun torga que se presente otru candidatu".[6] Unai Sordo foi escoyíu Secretariu Xeneral de CCOO'l día 30 de xunu de 2017.
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads