V538 Aurigae
estrella From Wikipedia, the free encyclopedia
Remove ads
V538 Aurigae (V538 Aur) ye un sistema estelar na constelación d'Auriga, el cocheru. D'alcuerdu al nuevu amenorgamientu de los datos de paralax de Hipparcos, ta a 40,0 años lluz del Sistema Solar.
La estrella primaria, Gliese 211 (HR 1925 / HD 37394),[1] tien magnitú aparente +6,23. Ye una nana naranxa de tipu espectral K1V con una temperatura efectivo de 5293 ± 109 K.[2] La so lluminosidá equival a daqué menos de la lluminosidá solar.[3] Tien un radiu un 18% más pequeñu que'l del Sol[4] y xira sobre sigo mesma con una velocidá de rotación proyeutada de 4 km/s.[5] Igualmente tien menos masa que'l Sol, aproximao 0,91 mases solares.[4] Nun se detectó escesu nel infrarroxu nin a 24 μm nin a 70 μm,[6] lo qu'en principiu refuga la presencia d'un discu de polvu al so alredor. Evidencia actividá cromosférica[5] y ta catalogada como variable BY Draconis; la variación de rellumu ye pequeña —0,04 magnitúes— y ta aniciada porque rexones de la superficie estelar con gran actividá magnética entren y salen del campu de visión conforme la estrella xira a lo llargo del so periodu de rotación de 10,86 díes.[7]
La estrella secundaria, Gliese 212 (LHS 1775)[8] ye una nana colorada de tipu M0.5. Con magnitú +9,87, nun ye observable a simple vista. La so temperatura efectivo ye de 3531 ± 50 K y tien un radiu de 0,71 radios solares. Xira sobre sigo mesma con una velocidá de rotación de siquier 2,0 km/s, lo que trai que'l so periodu de rotación nun supera los 18 díes.[9] La so masa envalorada ye de 0,57 mases solares.[10]
Les dos estrelles del sistema tán visualmente dixebraes ente sí 98 segundos d'arcu, lo que correspuende a una separación proyeutada de 1200 UA. Presenten una metalicidá comparable a la solar ([Fe/H] ~ -0,02).[2] L'estudiu de la cinemática del sistema inclúye-y dentroo del grupu de les Pléyades, lo que dexa envalorar la so edá en 120 millones d'años.[11]
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads