Valero

Valero ye un conceyu y llocalidá española de la provincia de Salamanca, na comunidá autónoma de Castiella y Llión. Intégrase dientro de la contorna de la Sierra de Francia y la subcomarca de Las Quilamas. Pertenez al partíu xudicial de Béjar.^[4]

Valero
Alministración
País	España
Autonomía	Castiella y Lleón
Provincia	provincia de Salamanca
Tipu d'entidá	conceyu d'España
Alcalde de Valero (es)	Demetrio Canete Martin
Nome oficial	Valero (es)[1]
Códigu postal	37764
Xeografía
Coordenaes	40°32′08″N 5°56′33″W
Valero Valero (España)
Superficie	26.27 km²
Altitú	585 m[2]
Llenda con	San Miguel de Valero, San Esteban, Santibáñez de la Sierra, Garcibuey, Cilleros de la Bastida y La Bastida (es)
Demografía
Población	286 hab. (2024) - 180 homes (2019) - 150 muyeres (2019)
Porcentaxe	0.09% de provincia de Salamanca
Densidá	10,89 hab/km²
Más información
Estaya horaria	UTC+01:00 (horariu estándar)[3] UTC+02:00 (horariu de branu)[3]
aytovalero.es

El so términu municipal ta formáu por un solu nucleu de población, ocupa una superficie total de 26,27 km² y según los datos demográficos recoyíos nel padrón municipal ellaboráu pol INE nel añu 2017, cuenta con una población de 315 habitantes.

Historia

L'orixe del nome del pueblu créese que vien del nome romanu Valerio, llugar onde s'asitió una villa nesa dómina. Destaca na dómina visigoda la mítica batalla ente los musulmanes y Don Rodrigo, llamada Batalla de Segoyuela, que dio orixe a la creación de la lleenda de la Reina Quilama.

Darréu, na Edá Media, Valero ye repobláu polos reis lleoneses, no que puede considerase como la fundación del pueblu actual, pasando a formar parte del cuartu de Peña del Rei de la xurisdicción de Salamanca, dientro del Reinu de Llión.^[5]

El 19 de setiembre de 1636 Felipe IV crea a favor de Juan Manuel Manrique de Zúñiga, duque de Béjar, el Marquesáu de Valero, que pasa a englobar el territoriu de Valero, El Endrinal, San Miguel, Los Santos, Frades y Tornadizo.

Cola creación de les actuales provincies en 1833, Valero foi incluyíu na provincia de Salamanca, dientro de la Rexón Lleonesa.^[6]

Demografía

Gráfica d'evolución demográfica de Valero ente 1900 y 2017

Fonte Institutu Nacional d'Estadística d'España - Ellaboración gráfica por Wikipedia.

Xeografía

Clima

Valero tien un clima mediterraneu Csa^[7] (templáu con branu secu y calorosu) según la clasificación climática de Köppen.

Parámetros climáticos permediu de Valero nel periodu 1961-1989
Mes	Xin	Feb	Mar	Abr	May	Xun	Xnt	Ago	Set	Och	Pay	Avi	añal
Temperatura media (°C)	6.7	8.1	10.4	12.7	15.6	20.4	23.9	23.5	20.8	15.3	10.6	7.1	14.6
Fonte: Ministeriu d'Agricultura, Alimentación y Mediu Ambiente. Datos de precipitación pal periodu 1961-1989 y de temperatura pal periodu 1961-1989 en Valero[8] 8 de payares de 2012

Fauna

D'antiguo había llobos y cabra pirenaica hispánica, osos y llobos cervales (créese qu'inda queden dellos llobos cervales). Anguaño les especies que podemos atópase na zona son: foinos, cigüeña negra, utre negra, alimoches, águiles perdigueres, ferre pelegrín, águila real, llondra y coríu selvaxe.

La piscina natural de Valero

La piscina natural foi construyida en 1985 y dende los sos oríxenes foi llamada como "Charcu'l Pozu", anque na actualidá foi perdiendo esta denominación.

La piscina ta asitiada nuna antigua presa realizada pa la fábrica de la lluz que se construyó en 1920 y daba lluz inclusive a Frades de la Sierra.

Ta alimentada peles llimpies agües del ríu Quilamas. Ye una agua totalmente llimpia y cristalina que llega virxe a Valero.

Cuenta con más de 100 metros nadables y con una fondura máxima en redol a los 2 metros.

Cultura

Fiestes

En Valero esisten delles festividaes de les cualos les más importantes son "San Valerio" que se celebraba'l 29 de xineru y "La nuesa Señora de les Candeles" el 2 de febreru.

Ver tamién

• Llista de conceyos de Salamanca
• Sierra de Francia
• Sierra de les Quilamas