Van Heflin
From Wikipedia, the free encyclopedia
Remove ads
Emmett Evan Heflin Jr. (13 d'avientu de 1908, Walters (es) 
– 23 de xunetu de 1971, Hollywood) foi un actor de cine y teatru d'Estaos Xuníos.
Remove ads
Trayeutoria
Estudió interpretación na Universidá de Yale, y derechu na Universidá d'Oklahoma. Apasionáu del mar, participó en delles espediciones oceanográfiques na so mocedá. A finales de la década de 1920 empezó a trabayar en Broadway en pequeños papeles, hasta qu'a mediaos de la década de 1930, la nueva actriz Katharine Hepburn vio-y actuar y quedó tan sorprendida del so trabayu, que-y propunxo trabayar nel cine. Robló entós un contratu cola RKO. Debutó en 1936, na película Una muyer rebalba (1936) de Mark Sandrich. Mientres, en teatru protagonizó obres tan importantes como The Philadelphia Story.
Nel cine l'ésitu acompañólu, y en 1942 ganó'l Premiu Óscar al meyor actor secundariu pol so papel en Johnny Eager de Mervyn LeRoy. Les décades de 1940 y 1950 fueron les más importantes na so carrera cinematográfica, protagonizando títulos tan importantes como L'estrañu amor de Marta Ivers, de Lewis Milestone, onde compartió protagonismu con Barbara Stanwyck y onde Kirk Douglas fixo una de les sos primeres interpretaciones destacaes.
Tamién trabayó con King Vidor en Cenices d'amor y con Vincente Minnelli en Madame Bovary, adautación de la novela homónima de Gustave Flaubert. Tamién destacó la so interpretación del murniu Athos na adautación de la novela d'Alexandre Dumas, Los trés mosqueteros, dirixida por George Sidney. Na década de 1950, siguió cola so bona estrella, destacando la so interpretación n'importantes westerns como Shane, de George Stevens, El tren de les 3:10, de Delmer Davis, y El salariu de la violencia, de Phil Karlson.
Mientres tola so vida Heflin nunca dexó de trabayar nel teatru, onde siguió collechando importantes ésitos, como tampoco dexó d'amar el mar que tanto -y apasionó na so mocedá.
Finó d'un ataque al corazón, a los 60 años d'edá, mientres nadaba na piscina de la so residencia.
Tien dos estrelles nel Paséu de la Fama de Hollywood.
Filmografía parcial
|
|
Remove ads
Teatru
- A Case of Libel, 1964
- A View From the Bridge, 1956
- The Philadelphia Story, 1940
- Casey Jones, 1938
- Western Waters, 1938
- End of Summer, 1936
- Mid-West, 1936
- The Night Remembers, 1934
- The Bride of Torozko, 1934
Referencies
Enllaces esternos
Wikiwand - on
Seamless Wikipedia browsing. On steroids.
Remove ads