Vasco da Gama

Vasco da Gama o Vasco de Gama (circa 1469, Sines – 24 d'avientu de 1524, Kochi) foi un marín portugués. D'ascendencia noble, en 1497 entamó la xera, por encargu real, d'abrir una ruta per mar a Oriente. D'esta mena Portugal trataba d'equilibrar la ventaya algamada por España col viax de Cristóbal Colón y el so descubrimientu.

Vasco da Gama
Virrey de la India portuguesa (es) 5 setiembre 1524 - 24 avientu 1524 ← Duarte de Menezes (es) - Henrique de Meneses →
Vida
Nacimientu	Sines, 1469[1]
Nacionalidá	Reinu de Portugal [2]
Muerte	Kochi, 24 d'avientu de 1524 (54/55 años)
Sepultura	Monasterio de los Jerónimos de Belém (es) Igreja de Santa Engrácia (es) St. Francis Church (en)
Causa de la muerte	malaria
Familia
Padre	Estêvão da Gama
Madre	Izabel Sodre
Casáu con	Catarina de Ataíde [3]
Fíos/es	Estêvão da Gama Cristóvão da Gama Esteban de Gama (es) Francisco da Gama (en) Álvaro de Ataíde da Gama
Hermanos/es	Paulo da Gama
Estudios
Llingües falaes	portugués[4]
Oficiu
Oficiu	esplorador, trotamundos (es) , marín, oficial naval
Graduación	almirante
Llealtá	Reinu de Portugal
Creencies
Orde relixosa	Orde Franciscana

La espedición, con cuatro buques, zarpó cola idea de bordear la costa d'África y empobinar haza l'este. A la fin, Vasco da Gama terminó na India, colo que s'abría asina la primer ruta marítima pente l'Occidente européu y aquella rexón d'Asia.

Acabante'l mes d'agostu de 1499, Vasco da Gama tornaba pa Portugal, colo que terminaba la so misión y abríase darréu una ruta de pergrandes beneficios económicos pa Portugal.

El llabor de Vasco da Gama continuó n'años siguientes. Asina, en 1502 fízose con rutes comerciales con Mozambique, y algamó pa Portugal la hexemonía comercial nel Índicu.

En 1503 dexó la mar p'afitar la so residencia en Lisboa, hasta qu'en 1524 foi nomáu virréi na India, au morrió n'al poco de llegar.