Vindemiatrix
From Wikipedia, the free encyclopedia
Remove ads
Vindemiatrix (ε Virginis / ε Vir / 47 Virginis)[1] ye'l nome d'una estrella de magnitú aparente +2,83, la tercera más brillosa de la constelación de Virgu, dempués d'Espiga (α Virginis) y Porrima (γ Virginis) —considerando conxuntamente los dos componentes d'esta postrera—. Ocupa'l llugar 145 ente les estrelles más brilloses del cielu nocherniegu.[2]
Ta asitiada a 110 años lluz del Sistema Solar y el so máximu acercamientu va tener llugar dientro de 220.000 años, cuando va tar a 104 años lluz. Nesi momentu'l so rellumu va algamar magnitú +2,74.[3]
Remove ads
Nome
Vindemiatrix, traducción al llatín del griegu Protrugeter, Protrugetes o Trugeter, significa «la vendimiadora». Con esti nome figura nes Tables Alfonsíes, prevaleciendo hasta los nuesos díes. Enantes, mientres l'Imperiu romanu, foi conocida como Vindemiator, Vindemitor y Provindemiator; la so salida matutina a primer hora a finales d'agostu marcaba'l momentu d'empezar la collecha de la uva. Otru nome que recibe esta estrella ye Protrigetrix, utilizáu pol astrónomu italianu Giovanni Battista Riccioli nel sieglu XVII.[4]
Almuredín y Alaraph son nomes d'orixe árabe que tamién s'utilicen pa designar a esta estrella. En China yera conocida como Tsze Tseang, «el segundu xeneral».[4]
Xunto con Minelava (δ Virginis), Zaniah (η Virginis) y Porrima (γ Virginis) formaba un grupu d'estrelles conocíu na antigua Arabia como Al 'Awwa', que paez que representaba una caseta pa perros o un perru llatiendo.
Remove ads
Carauterístiques físiques
Vindemiatrix ye una xigante mariella de tipu espectral G8III[1] con una temperatura superficial de 5040 K.[5] Tien una lluminosidá 83 vegaes mayor que la del Sol y el so radiu ye 11,4 vegaes más grande que'l radiu solar.[6] Les sos carauterístiques son asemeyaes a les de Capella A, la componente más brillosa de α Aurigae. Xira sobre sigo mesma con una velocidá de rotación proyeutada de 1,69 km/s.[7] Ye una fonte importante de rayos X, lo qu'implica una gran actividá magnética na so superficie. La radiación X emitida ye 300 vegaes mayor que la qu'emite'l Sol, y namái Capella (α Aurigae), Deneb Kaitos (β Ceti) y 24 Ursae Majoris superar.[8] Con una masa de 2,6 mases solares,[6] la so edá envalórase en 560 millones d'años,[6] cuando empezó la so vida na secuencia principal como una estrella blancu-azulada de tipu B.
Vindemiatrix amuesa una metalicidá —bayura relativa d'elementos más pesaos que'l heliu— aproximao un 30% mayor que la solar ([Fe/H] = +0,13).[5] Otros elementos evaluaos como manganesu, cobre y cinc son menos abondosos que na nuesa estrella, ente que nel otru estremu destaca'l so eleváu conteníu de nitróxenu y plomu ([Pb/Fe] = +0,50).[9]
Esiste evidencia de que Vindemiatrix forma parte del grupu de les Híades, acomuñáu col cúmulu del mesmu nome na constelación de Tauru.[10]
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads