Vinessa Shaw

Vinessa Shaw (19 de xunetu de 1976, Los Angeles) ye una actriz d'Estaos Xuníos.

Vinessa Shaw
Vida
Nacimientu	Los Angeles, 19 de xunetu de 1976[1] (49 años)
Nacionalidá	Estaos Xuníos
Llingua materna	inglés
Familia
Madre	Susan Damante
Hermanos/es	Natalie Shaw
Estudios
Estudios	Barnard College (es)
Llingües falaes	inglés[2]
Oficiu
Oficiu	actriz, actriz de televisión, modelu, actriz de cine, direutora de cine
IMDb	nm0005416

Biografía

Vinessa Shaw ye fía de l'actriz Susan Damante-Shaw. Dedicada tamién al mundu de la moda, posando, ente otros, para Calvin Klein, Vinessa debutó nel cine a empiezos de los años 1980 cuando inda yera una neña, apaeciendo na película Nuesu duce llar (Home sweet home) (1981). Tardaría más de diez años en retornar a la pantalla grande pa intervenir en Tou pola mio moza (1991) de Sidney J. Furie.

Darréu tendría un papel secundariu en Hocus Pocus (1993) y como protagonista, en Coyote Summer (1996), pudiendo ser vista tamién nel episodiu piloto de la serie de televisión McKenna (1994) y nes series Murder, She Wrote y en La familia Torkelson.

Tamién apaeció nun anunciu publicitariu de Levi's, nel añu 1994, llamáu Creek, onde podemos ver como la mocina qu'espía, despinta detrás d'un árbol, a un mozu que se ta bañando nun llagu.

Tres l'ecuador de la década de los '90, Vinessa Shaw trabayó con direutores como Mika Kaurismäki en Colgaos en Los Angeles (1998), Stanley Kubrick en Eyes Wide Shut (1999). Darréu tuvo una curtia apaición el la película de Woody Allen Melinda y Melinda (2004).

Tamién intervieno na miniserie de televisión Los 70 (2002).

Nel 2007 apaeció nel remake del western " 3:10 a Yuma", protagonizada por Christian Bale y Russell Crowe.

Vida personal

Tien ascendencia xudía asquenazí, alemana, irlandesa, inglesa y mexicana de parte del so padre ya italiana, sueca ya irlandesa per parte de la so madre.

Foi novia de los actores Jonathan Brandis, con quien compartió creitos en Tou pola mio moza, y Oliver Hudson, intérprete vistu en Falsa amistá.

Filmografía

• Home Sweet Home (1981) de Netie Pena
• Ladybugs (1992) de Sidney J. Furie
• Hocus Pocus / La torna de les bruxes (1993)de Kenny Ortega
• Coyote Summer (1996) de Matías Álvarez
• L.A. Without a Map (1998) de Mika Kaurismaki
• Wayward Son (1999) de Randall Harris
• Eyes Wide Shut (1999) de Stanley Kubrick
• The Weight of Water (2000) de Kathryn Bigelow
• Corky Romanu (2001) de Rob Pritts
• 40 Days and 40 Nights (2002) de Michael Lehmann
• Melinda and Melinda (2004) de Woody Allen
• Bereft (2004) de Timothy Daly y J. Clark Mathis
• Fathers and Sons (2004) de Rodrigo García, Jared Rappaport y Rob Spera
• The Hills Have Eyes (2006) d'Alexadre Aja
• Badland (2007) de Francesco Lucente
• 3:10 to Yuma (2007) de James Mangold
• Garden Party (2008) de Jason Freeland
• Stag Night (2008) de Peter A. Dowling
• Two Lovers (2008) de James Gray
• Puncture (2011)
• Everybody Loves Whales (2012)