Vivien Merchant

Vivien Merchant (22 de xunetu de 1929, Manchester – 3 d'ochobre de 1982, Londres) foi una actriz Inglaterra.

Vivien Merchant
Vida
Nacimientu	Manchester, 22 de xunetu de 1929[1]
Nacionalidá	Reinu Xuníu
Muerte	Londres, 3 d'ochobre de 1982[1] (53 años)
Familia
Casada con	Harold Pinter (1956 – 1980)[2]
Fíos/es	Daniel Brand (en) [2]
Estudios
Llingües falaes	inglés[1]
Oficiu
Oficiu	actriz de teatru, actriz de cine
Nominaciones	ver premio BAFTA a la mejor actriz de televisión (es) [3] Premiu Tony a la meyor actriz principal nuna obra de teatru (1967) Óscar a la meyor actriz de repartu (20 febreru 1967): Alfie
IMDb	nm0580357

Resume biográficu

El so verdaderu nome yera Ada Thompson, y nació en Mánchester, Inglaterra. Trabayó en diverses producciones teatrales y cinematográfiques, ente elles Alfie (1966) y Frenesí (1972). La so actuación en Alfie valió-y nominaciones pal Óscar a la meyor actriz de repartu y pal Globu d'Oru na mesma categoría, según un premiu BAFTA y un premiu de la National Board of Review of Motion Pictures.

Merchant foi la primer esposa del dramaturgu Harold Pinter, a quien ella conociera siendo él actor de teatru de repertoriu, y col que se casó en 1956. Tuvieron un fíu, Daniel, nacíu en 1958.^[4] Interpretando'l papel de Rose nuna producción de la primer obra de Pinter, The Room (1957), nel Teatru Hampstead en 1960, ella actuó en munchos de los siguientes trabayos del so home, incluyendo The Lover (1963) y el so papel como Ruth na obra The Homecoming (1964), representada en 1965 y pasada al cine en 1973 col mesmu títulu. La última obra de Pinter na que trabayó Merchant foi Old Times (1971), interpretando a Anna.

El so matrimoniu empezó a derrumbar a mediaos de la década de 1960. Ente 1962 y 1969, Harold Pinter tuvo una rellación clandestina con Joan Bakewell, sobre la cual informa la pieza de Pinter Betrayal, según la so adautación cinematográfica, tamién titulada Betrayal (1983).^[5]

En 1975 Pinter empezó otra rellación, nesti casu cola historiadora Lady Antonia Fraser, muyer de Sir Hugh Fraser.^[6] Anque de primeres Merchant nun se vio bien afeutada por dicha rellación, col pasu del tiempu'l matrimoniu resintióse y la convivencia fíxose imposible. Pinter foise, y Merchant solicitó'l divorciu, concediendo entevistes a tabloides nes qu'espresaba'l so disgustu.^[7][8] Los Fraser acabaron divorciándose en 1977 y los Pinter en 1980, añu nel que l'escritor casóse con Antonia Fraser.

Vivien Merchant nunca superó la pena y amargura de perder al so home, y finó a los 53 años d'edá en Londres, Inglaterra, el 3 d'ochobre de 1982, por causa del so alcoholismu.^[9][10]