Will Eisner

Will Eisner (6 de marzu de 1917, Brooklyn – 3 de xineru de 2005, Fort Lauderdale) foi un dibuxante y guionista de cómic d'Estaos Xuníos.

Will Eisner
Vida
Nacimientu	Brooklyn[1], 6 de marzu de 1917[2]
Nacionalidá	Estaos Xuníos [3]
Grupu étnicu	pueblu xudíu
Muerte	Fort Lauderdale[4], 3 de xineru de 2005[5] (87 años)
Causa de la muerte	paru cardiorrespiratoriu[6]
Estudios
Estudios	DeWitt Clinton High School Art Students League of New York
Llingües falaes	inglés[2]
Oficiu
Oficiu	historietista, guionista d'historieta, escritor, guionista, novelista, pintor, editor, dibuxante, ilustrador
Emplegadores	Escuela de Artes Visuales (es)
Trabayos destacaos	The Spirit (es) Contrato con Dios (es)
Premios	ver Premiu Inktop  (1975) [1] Gran Premiu de la Villa d'Angoulême  (1975) [7] Yellow Kid Award  (1986) [8] Jack Kirby Hall of Fame  (1987) [9] Harvey Award for Best Writer  (1993) [10] Harvey Award for Best Cartoonist (Writer/Artist)  (1993) [10] Milton Caniff Lifetime Achievement Award  (1994) [11] Premio Reuben  (1998) [11] Society of Illustrators Hall of Fame  (2015) [1]
Seudónimos	Willis Rensie[12], Mr. Heck[13], W. Morgan Thomas[13], Erwin Willis[13] y Ford Davies[1]
Serviciu militar
Lluchó en	Segunda Guerra Mundial[14]
IMDb	nm0252162
willeisner.com

Eisner nació en Brooklyn nel somantu d'una familia d'aniciu xudíu, y pasó la so neñez y mocedá en Nueva York. Nun dexó de trabayar demientres más de sesenta años, yá que hasta la so muerte nunca pensó na retirada. La so carrera entamó en «WOW What a Magazine!» en 1936. Bien aína, Eisner y el so amigu Jerry Iger funden l'estudiu Eisner-Iger onde dibuxantes como Bob Kane, Lou Fine, Jack Kirby dan los sos primeros pasos.

En 1939, l'asociación Eisner-Iger cesa y Will Eisner produz tires pa la prensa, asina nacerá, ente otros, el so personaxe qu'alagmaría mayor sonadía: The Spirit (entamó a asoleyase el 2 de xunu de 1940). The Spirit ye la historia d'un detective mazcaritáu, Danny Colt, un héroe ensin superpoderes que protexe del crimen a los habitantes de la ciudad imaxinaria Central City. La serie llamó aína l'atención de la crítica por lo inusual de los sos encuadres, cuasi cinematográficos, polos sos efeutos de lluz y solombres, y poles sos innovadores téuniques narratives. El 13 d'ochobre de 1941 The Spirit entamó a publicase tamién como tira diaria.

En 1942, Eisner ye movilizáu. Dibuxa carteles propagandísticos pa llevantar la moral de les tropes, asina como cómics empobinaos a lluchar contra les neglixencies de los soldaos.

Depués de la guerra, cola ayuda d'asistentes tales como Jules Feiffer o Wallace Wood, Eisner retoma les aventures de Spirit, utilizando'l so personaxe pa esplorar xéneros bien estremaos, dende la ciencia ficción a la esploración de la vida cotidiana americana.

Arriendes de la so carrera como historietista, Eisner enseñó les téuniques del cómic na Escuela d'Artes Visuales de Nueva York, y escribió dos obres fundamentales relatives a la creación historietística: Comics and Sequential Art y Graphic Storytelling.