William Rowan Hamilton

William Rowan Hamilton (4 d'agostu de 1805, Dublín – 2 de setiembre de 1865, Dublín) foi un matemáticu, físicu, y astrónomu irlandés, que fizo importantes contribuciones al desenvolvimientu de la óptica, la dinámica, y l'álxebra. El so descubrimientu del cuaternión xunto col trabayu de Hamilton en dinámica son los sos trabayos más conocíos. Esti últimu trabayu foi dempués decisivu nel desenvolvimientu de la mecánica cuántica, onde un conceutu fundamental llamáu hamiltoniano lleva'l so nome.

William Rowan Hamilton
Royal Astronomer of Ireland (en) 1827 - 1865 ← John Brinkley (es) - Franz Brünnow (es) →
Vida
Nacimientu	Dublín[1], 4 d'agostu de 1805[2]
Nacionalidá	Reinu Xuníu de Gran Bretaña ya Irlanda [3]
Muerte	Dublín[1], 2 de setiembre de 1865[2] (60 años)
Sepultura	Mount Jerome Cemetery (en) [4]
Familia
Padre	Archibald Rowan-Hamilton
Casáu con	Helen Maria Bayly (en) [5]
Fíos/es	William Edwin Hamilton
Estudios
Estudios	Trinity College Dublin (es) (1823 - 1826)
Nivel d'estudios	Grau n'Artes Master of Arts (es)
Llingües falaes	inglés[6]
Alumnu de	John Brinkley (es)
Oficiu
Oficiu	matemáticu, físicu, astrónomu, académicu, profesor universitariu, físicu teóricu
Emplegadores	Trinity College Dublin (es)  (1827 –  1865) Dunsink Observatory (en)  (1827 –  1865)
Trabayos destacaos	Hamilton's principle (en) On the osculating twisted cubic to a curve of double curvature (en) [[VIII. Second theorem of algebraic elimination, connected with the question of the possibility of resolving, in finite terms, equations of the Fifth degree|VIII. Second theorem of algebraic elimination, connected with the question of the possibility of resolving, in finite terms, equations of the Fifth degree]] (en) [[XCI. Theorem respecting algebraic elimination, connected with the question of the possibility of resolving in finite terms the general equation of the fifth degree. Extracted by permission, from a communication recently made to the Royal Iris|XCI. Theorem respecting algebraic elimination, connected with the question of the possibility of resolving in finite terms the general equation of the fifth degree. Extracted by permission, from a communication recently made to the Royal Iris]] (en) cuaternión (es) mecánica hamiltoniana (es) camino hamiltoniano (es)
Premios	ver Medalla Cunningham  (1834, 1848) Medaya Real  (1835) miembru de l'Academia de les Artes y les Ciencies d'Estaos Xuníos  (1864)
Influyencies	Zerah Colburn
Miembru de	Royal Society Academia Nacional de Ciencies de los Estaos Xuníos Academia de Ciencies de San Petersburgu Academia de les Artes y les Ciencies d'Estaos Xuníos Real Academia de Irlanda (es) Academia Prusiana de les Ciencies Accademia delle Scienze di Torino Academia de Ciencies de Rusia
Creencies
Relixón	anglicanismu

Primeros años

Hamilton demostró'l so inmensu talentu a una edá bien temprana, cosa que fizo dicir al Dr. John Brinkley, astrónomu y obispu de Cloyne, en 1823, cuando Hamilton tenía 18 años: «Esti mozu, nun digo que va ser, sinón que ye, el primer matemáticu del so tiempu».

Quiciabes el momentu más recordáu de la so vida foi cuando, según cuenta él mesmu, allegó a la so cabeza como un rescamplu la estructura de los númberos cuaterniónicos. Evidentemente, Hamilton llevaba enforma tiempu pensando naquel problema, pero sía como fora, un día de 1843 pasiaba pela ponte de Brongham, que crucia la canal Real de Dublín, cuando de sópitu entendió la estructura de los cuaterniones. Darréu grabó cola punta de la so navaya, sobre una piedra de la ponte, la feliz idea (esta inscripción nun se caltién güei día).

Los cuaterniones tienen una gran importancia en física relativista y en física cuántica, según pa demostrar un teorema propuestu por Lagrange según el cual cualesquier enteru puede escribise como la suma de 4 cuadraos perfectos.

Cunta la lleenda qu'a Hamilton dexábase-y triar el verde de la Universidá, daqué totalmente prohibíu. Esti fechu camina ente la realidá y la ficción. Posiblemente asocediera que, embaíu nes sos meditaciones, desdexara esta prohibición y por fuercia caminara polos xardinos, anque absolutamente naide en toa Irlanda atreviérase a ataya-y o a amonestarle. Esta anéudota de xuru sirve pa dar idea de la categoría de Hamilton como unu de los grandes matemáticos del so tiempu y de la hestoria.

Contribuciones a les matemátiques

• Teorema de Hamilton de la hodógrafa. Postula que'l vector velocidá d'un planeta, sometíu a la llei de fuercies de Kepler alredor del Sol, describe un círculu. Hamilton llamó hodógrafa a la curva descrita pol vector velocidá (del griegu hodos, camín).
• Teorema de Cayley-Hamilton
• Ecuación de Hamilton-Jacobi
• Camín hamiltoniano

Publicaciones

• Hamilton, William Rowan (Royal Astronomer Of Ireland), Introductory Lecture on Astronomy. Dublin University Review and Quarterly Magacín Vol. I, Trinity College, January 1833.
• Hamilton, William Rowan, Lectures on Quaternions. Royal Irish Academy, 1853.
• Hamilton (1866) Elements of Quaternions University of Dublin Press. Edited by William Edwin Hamilton, son of the deceased author.
• Hamilton (1899) Elements of Quaternions volume I, (1901) volume II. Edited by Charles Jasper Joly; Longmans, Green & Co..
• David R. Wilkins's collection of Hamilton's Mathematical Papers Archiváu 2013-05-30 en Wayback Machine.

Eponimia

• El cráter llunar Hamilton lleva esti nome na so memoria.