William Zabka

William "Billy" Zabka (20 d'ochobre de 1965, Nueva York), ye un actor y direutor de cine d'Estaos Xuníos.

William Zabka
Vida
Nacimientu	Nueva York, 20 d'ochobre de 1965[1] (59 años)
Nacionalidá	Estaos Xuníos
Fíos/es	2
Estudios
Estudios	Escuela secundaria El Camino Real (es)
Llingües falaes	inglés[2]
Oficiu
Oficiu	actor, guionista, direutor de cine, productor de cine, guionista de cine
Nominaciones	ver Óscar al meyor curtiumetraxe (27 xineru 2004): Most (es) [3]
IMDb	nm0951420

Carrera

Empecipió la so carrera como actor secundariu en comedies. El so papel más conocíu nel cine ye'l de Johnny Lawrence, na película Karate Kid, onde interpretó al antagonista. Tamién, col mesmu personaxe, Zabka tuvo una curtia apaición al entamu de Karate Kid II. Nos últimos tiempos, empecipió una carrera como direutor de curtiumetraxes, llogrando una nominación al premiu Óscar en 2004, por Most, escritu y empobináu por él mesmu. Tien cintu negru en Tang Soo Do. En 2013, remanez como actor televisivu xunto a Ralph Macchio (Karate Kid) na telecomedia d'Estaos Xuníos "How I Met Your Mother" (n'España, "Como conocí a la vuesa madre"), nel capítulu 22º de la 8ª temporada "The Bro Mitzvah", interpretándose a sigo mesmu. Volvió apaecer en dellos capítulos d'esta mesma serie mientres la 9º temporada, faciendo una parodia de sigo mesmu.

Filmografía

• Karate Kid (1984)
• ER (1984-1985)
• Just One of the Guys (1985)
• Karate Kid II (1986)
• The Equalizer (1985-1989)
• Shootfighter Fight to the Death (1992)
• Shootfighter 2 (1996)
• High Voltage (1997)
• Python (2000)
• Falcon Down (2001)
• Roomies (2004)
• Hot Tub Time Machine (2010)
• How I Met Your Mother (2013-2014)
• To Appomattox (2013)