Wisconsin

From Wikipedia, the free encyclopedia

Wisconsinmap
Remove ads

Wisconsin ye un estáu de los Estaos Xuníos d'América. Asítiase na rexón Mediu Oeste, na sorrexón Centru-Noreste, dientro de la división rexonal de la Oficina del Censu. Llenda con Minnesota al oeste, con Iowa al suroeste, con Illinois al sur, con Michigan al noreste y colos llagos Cimeru al norte y Michigan al este. Ye'l 23u estáu del país n'estensión, y el 20u en población. La so capital ye Madison y la so ciudá principal Milwaukee, que ta asitiada na oriella occidental del llagu Michigan. L'estáu sodivídese alministrativamente en 72 condaos.

Datos rápidos Alministración, ISO 3166-2 ...

La so xeografía ye pervariada, y conserva restos del gran impactu erosivu de los glaciares demientres la cabera glaciación, la wurmiense; la única esceición represéntala la fastera suroccidental del estáu, que forma parte de la nomada Driftless Area, con cañones fondos nos ríos y relieve kársticu. La mayoría del territoriu del estáu fórmenla mesetes pererosionaes y aplanaes polos glaciares (Northern Highland, Western Upland y Central Plain), y por tierres baxes que lleguen a la oriella del llagu Michigan. De resultes de la fuerte erosión el puntu más altu del estáu malpenes ta a 595 m d'altor sobro'l nivel del mar.

Demientres los sieglos XIX y XX asentáronse nelli bien de colonos europeos, munchos d'ellos d'orixe alemán y escandinavu. De resultes, y neto que'l estáu vecín de Minnesota, Wisconsin ye ún de los centros principales de la cultura xermanu-americana y escandinavu-americana.

L'estáu ye ún de los principales productores de llácteos del país, y ye nombráu polos sos quesos. La industria, especialmente papelera, les empreses venceyaes coles tecnoloxíes de la comunicación, el cultivu de mirúendanos y ginseng y el turismu son otros de los sectores económicos más importantes.

Remove ads

Demografía

Tien una población de 5 893 718 habitantes (1 abril 2020)[1][2].

Ciudaes

Les principaes ciudaes del estáu son:

Referencies

Enllaces esternos

Loading related searches...

Wikiwand - on

Seamless Wikipedia browsing. On steroids.

Remove ads