Xunión Soviética
estau Socialista n'Eurasia (1922–1991) From Wikipedia, the free encyclopedia
Remove ads
La Xunión Soviética (rusu: Советский Союз tr.: Sovietsky Soyuz), oficialmente nomada Xunión de Repúbliques Socialistes Soviétiques (XRSS, rusu: Сою́з Сове́тских Социалисти́ческих Респу́блик tr.: Soyuz Sovétskij Sotsialistícheskij Respublik; 
pronunciación (?·i); abreviáu СССР, SSSR)[3] foi un Estáu federal constitucionalmente socialista qu'esistió n’Eurasia ente 1922 y 1991. El nome emplegáu informalmente ente los residentes foi la Xunión (Soyuz).
.svg)
.svg)
Remove ads
La Xunión Soviética tuvo un sistema políticu de partíu únicu domináu pol Partíu Comunista hasta 1990[4] y anque yera una xunión federal de 15 repúbliques soviéticas subnacionales, l'Estáu soviéticu foi estructuráu baxo un Gobiernu nacional y una economía altamente centralizaos.
La revolución rusa de 1917, que provocó la cayida del Imperiu rusu, tuvo como socesor al Gobiernu Provisional Rusu, que foi de corta duración, debíu a que los bolxeviques gañaron la Guerra Civil Rusa y fundaron la Xunión Soviética n’avientu de 1922 cola fusión de la República Socialista Federativa Soviética de Rusia, la República Federal Socialista Soviética de Transcaucasia, la República Socialista Soviética d'Ucraína y la República Socialista Soviética de Bielorrusia.
Tres el decesu del primer líder soviéticu, Vladímir Lenin, en 1924, Josif Stalin acabó ganando la llucha pol poder[5] y dirixió’l país a traviés d'una industrialización a gran escala con una economía centralizada y, al mesmu tiempu, con represión política.[5][6] En xunu de 1941, mientres la Segunda Guerra Mundial, Alemaña xunto a los sos aliaos invadió la Xunión Soviética, un país col que firmó un pactu de non-agresión. Cuatro años dempués d'una guerra brutal, la Xunión Soviética emerxió victoriosa como una de les dos superpotencies del mundu, xunto a los Estaos Xuníos.
La Xunión Soviética y los sos Estaos satélites d'Europa oriental tuvieron involucraos na Guerra Fría, que foi una llarga llucha ideolóxica y política mundial escontra los Estaos Xuníos y los sos aliaos del bloque occidental; finalmente la XRSS cedió énte los problemes económicos y los disturbios políticos internos y esternos.[7][8] Mientres esta dómina, la Xunión Soviética consiguió ser el modelu de referencia pa futuros Estaos socialistes. Dende 1945 hasta 1991, la Xunión Soviética y los Estaos Xuníos dominaron l'axenda mundial de la política económica, asuntos esteriores, operaciones militares, intercambiu cultural, progresos científicos, incluyendo l'entamu de la esploración espacial, y deportes (incluyíos los Xuegos Olímpicos). A finales de la década de 1980, l'últimu líder soviéticu Miḥaíl Gorbachov trató de reformar l'Estáu coles sos polítiques de la perestroika y glasnost, pero la Xunión Soviética derrumbóse y foi disuelta formalmente n’avientu de 1991 tres el fallíu intentu de golpe d'Estáu d'agostu.[9] Dempués d'esto, la Federación de Rusia asumió los sos derechos y obligaciones.[10]
Los llindares xeográficos de la Xunión Soviética variaron conl tiempu, pero tres les sos postreres anexones territoriales principales y la ocupación de los países Bálticos (Lituania, Letonia, y Estonia), del este de Polonia, Besarabia, y dellos otros territorios mientres la Segunda Guerra Mundial, dende 1945 hasta la disolución, los llindares correspondieron aproximadamente a aquellos de la estinta Rusia Imperial, coles esclusiones notables de Polonia, la mayor parte de Finlandia, y Alaska.
Remove ads
Repúbliques Soviétiques
- RSS de Rusia
- RSS d'Armenia
- RSS d'Azerbaixán
- RSS de Bielorrusia
- RSS de Kazakstán
- RSS d'Estonia
- RSS de Xeorxa
- RSS de Letonia
- RSS de Lituania
- RSS de Moldavia
- RSS de Kirguistán
- RSS de Taxiquistán
- RSS de Turkmenistán
- RSS d'Ucraína
- RSS d'Uzbequistán
Historia de la Xunión Soviética
Revolución de 1917 y guerra civil
El periodu de Lenin
Stalin
Guerra Fría
Perestroika y Glastnost
Disolución
Ver tamién
- Filosofía marxista soviética
- Historia del comunismu
Referencies
Enllaces esternos
Wikiwand - on
Seamless Wikipedia browsing. On steroids.
Remove ads