XY Lyrae
From Wikipedia, the free encyclopedia
Remove ads
XY Lyrae (XY Lyr) ye una estrella variable asitiada na constelación de Llira. Alcuéntrase aproximao a 526 pársecs o 1720 años lluz del Sistema Solar.
XY Lyrae ta catalogada como xigante colorada lluminosa de tipu espectral M4-5II-III.[1] La so temperatura superficial máxima ye de 3350 K. Tien una lluminosidá bolométrica —qu'inclúi la lluz infrarroxo, que ye la rexón del espectru na cual radia la mayor parte de la so enerxía— casi 17.000 vegaes mayor que la del Sol.[2] El so radiu, calculáu por modelos teóricos, ye unes 380 vegaes más grande que'l del Sol.[2] Esta cifra concuerda cola llograda a partir de la midida direuta del so diámetru angular —6,90 ± 0,30 milisegundos d'arcu—, equivalente a 391 radios solares. Sicasí, nun ye una estrella especialmente masiva; anque la so masa ye incierta, ésta envalórase nunes 2,3 mases solares.[3]
La variabilidá d'esta xigante colorada foi reseñada per vegada primera en 1919 por T.H.Y.C. Espin.[4] Catalogada como variable irregular pulsante de tipu LC, el so rellumu varia ente magnitú aparente +5,80 y +6,35.[5] Detectóse un posible periodu de 122 díes.[6]
Remove ads
Referencies
Wikiwand - on
Seamless Wikipedia browsing. On steroids.
Remove ads