Xi2 Centauri
From Wikipedia, the free encyclopedia
Remove ads
Coordenaes: 
13h 6m 54.639s, -49° 54′ 22.482″
Xi2 Centauri (ξ2 Cen / HD 113791 / HR 4942)[9][10] ye un sistema estelar de magnitú aparente +4,26 encuadráu na constelación de Centauru. El nuevu amenorgamientu de los datos de paralax del satélite Hipparcos asitia a esti sistema a 467 años lluz del Sistema Solar. Anque nel pasáu consideróse-y miembru del subgrupu «Centaurus Inferior-Crux», dientro de l'Asociación estelar Scorpius Centaurus, anguaño piénsase que ye una estrella del «Cinturón de Gould».[11]
La componente principal de Xi2 Centauri ye una estrella blancu-azulada de la secuencia principal de tipu espectral B1.5V.[9] Con una temperatura efectivo de 21.000 K, tien una lluminosidá 2609 vegaes mayor que la del Sol. Xira sobre sigo mesma con una velocidá de rotación proyeutada de 25 km/s.[12] La so masa ye aproximao 7,6 vegaes mayor que la masa solar,[13] per debaxo de la llende a partir del cual les estrelles acaben españando como supernoves. Esta estrella ye, amás, una binaria espectroscópica con un periodu de 7,6497 díes, siendo la órbita moderadamente escéntrica (ε = 0,35).[14]
A 25 segundos d'arcu de Xi2 Centauri puede reparase una tercer estrella de magnitú +9,41 que tamién forma parte del sistema.[10][15] De tipu espectral F7V, la so masa ye un 21% mayor que la masa solar. Emplega pocu más de 41.000 años en completar una órbita alredor de la binaria espectroscópica.[16]
Remove ads
Referencies
Wikiwand - on
Seamless Wikipedia browsing. On steroids.
Remove ads