Yy

El dígrafu yy ye la duplicación de la lletra "y" pa representar el soníu /kʸ/.^[1][2] (AFI [ɟ͡ʝ]^[3]) Ye una consonante africada mediopalatal semisorda, y el so nome ye'l simple de ye doble. Ye un dígrafu que s'usa solo pa representar la realización dialeutal de y.

Yy
Tipu	digrafu del alfabetu llatín

Esta realización apaez na zona occidental del asturianu, en zones de los conceyos de Valdés, Tinéu y Villayón principalmente, y equival a:

• -y-/(-ch-) del restu del dominiu, que provién del llatín -lj-/-k'l-:^[4]

fiyyu, oveyya, muyyer, trabayyu...

• ll- del restu del dominiu (ḷḷ-/ch-) que provién del llatín pl-/fl-/cl-:^[5]

yyanu, yyama, yyave...