Zosteraceae
familia de plantes From Wikipedia, the free encyclopedia
Remove ads
Les zosteracees (nome científicu Zosteraceae) son una familia de plantes monocotiledónees marines somorguiaes, con aspeutu de yerbes, perennes, rizomatusas, monoiques, distribuyíes nos mares templaos a subtropicales de tol mundu. La familia ye reconocida por sistemes de clasificación modernos como'l sistema de clasificación APG III (2009[2]) y el APWeb (2001 d'equí p'arriba[3]). Ye una de les families a les que se llama de "camperes marines", por cuenta del so aspeutu de pasto, los sos espádices son esplanaos, les sos flores tán na superficie adaxial, les inflorescencies tán zarraes por una espata. La mayoría de los taxones tien unes estructures opuestes a los estames a les que se llamó "retináculos", que quiciabes sían tépalos o bráctees.
Remove ads
Descripción
Son yerbes perennes, acuátiques, somorguiaes, marines, glabres, con fueyes dispuestes en braquiblastos y macroblastos, con polinización nel interior de l'agua –hipohidrofilia. Fueyes alternes, estremaes en vaina y llimbu, ligulaes, lliniares, obtuses, paralelinervias. Inflorescencies en espádice. Flores hermafrodites o unisexuales –n'especies extrapeninsulares–, monómeras, sésiles, ensin periantu, o con periantu bien amenorgáu (retináculo) asitiáu xunto a una de les teques. Androcéu con 1 estame, col conectivu pocu desenvueltu ente los dos teques. Xinecéu súperu, con 1 carpelu; carpelos con un rudimentu seminal, pendilexu, de placentación apical. Frutu aqueniforme, con picu estremáu, sésil, dehiscente por frayatu del pericarpo membranáceo. Granes ± estriaes, col embrión curváu, ensin endosperma.
Remove ads
Taxonomía
La familia foi reconocida pol APG III (2009[2]), el Linear APG III (2009[1]) asignó-y el númberu de familia 38. La familia yá fuera reconocida pol APG II (2003[4]).
Hai dos xéneros:
- Phyllospadix
- Zostera
Ver tamién
Bibliografía
Enllaces esternos
Wikiwand - on
Seamless Wikipedia browsing. On steroids.
Remove ads