Épsilon Sagittae
From Wikipedia, the free encyclopedia
Remove ads
Épsilon Sagittae (ε Sagittae / 4 Sagittae)[1] ye una estrella na constelación de Sagita —la flecha— de magnitú aparente +5,67. Magar el so denominación de Bayer «Épsilon», ye namái la oncena estrella más brillosa de la constelación.[2]
Épsilon Sagittae ye una xigante mariella de tipu espectral G8III[1] con una temperatura efectivo de 4978 K. Ye 138 vegaes más lluminosa que'l Sol[3] y xira sobre sigo mesma con una velocidá de rotación proyeutada de 3,3 km/s.[4] Tien una masa averada de 3,1 mases solares y una edá de 331 millones d'años. Presenta una metalicidá —bayura relativa d'elementos más pesaos que'l heliu— comparable a la del Sol ([Fe/H] = +0,03).[3]
Épsilon Sagittae ye similar a otres conocíes xigantes marielles como Capella A (α Aurigae) —la componente más fría d'esti sistema—, Kornephoros (β Herculis), Nekkar (β Bootis) o ζ Cygni. Asitiada a 480 ± 28 años lluz de distancia, ta más alloñada del Sistema Solar que cualesquier d'elles. Dientro de 3600 millones d'años va ser cuando tea más cerca de la Tierra —a 193 años lluz—, y va rellumar con magnitú +3,70.[5]
Épsilon Sagittae forma una estrella doble con HD 232029.[6] Sicasí, dambes estrelles nun tán físicamente rellacionaes, constituyendo una doble óptica.
Remove ads
Referencies
Wikiwand - on
Seamless Wikipedia browsing. On steroids.
Remove ads