Área estadística metropolitana
From Wikipedia, the free encyclopedia
Nos Estaos Xuníos nómase área estadística metropolitana (Metropolitan Statistical Area, MSA) a una rexón xeográfica con una densidá de población relativamente alta nel so centru y que forma una entidá con llazos económicos importantes. Estes rexones nun formen una ciudá per sigo mesmes, nin son divisiones alministratives afitaes como los condaos nin entidaes separtaes como los estaos. Esto fai que la definición de cualesquiera d'elles pueda variar según qué entidá la faga. Los criterios estadísticos pa un área metropolitana estándar foron definíos en 1949, y revisaos como área estadística metropolitana en 1983[1]. Un área metropolitana típica tien como centru una gran ciudá qu'exerce una influyencia sustancial sobre la so rodiada (como Chicago o Atlanta). Por embargu, delles árees metropolitanes contienen más d'una gran ciudá y nun hai preeminencia de denguna d'elles; asina asocede, por exemplu, na metroplex Dallas-Fort Worth o na Minneapolis-Saint Paul.
Les árees estadístiques metropolitanes son definíes pola Oficina d'Alministración y Presupuestu (Office of Management and Budget, OMB), y utilizaes pola Oficina del Censu (U.S. Census Bureau) y otres axencies gubernamentales federales pa la ellaboración de les sos estadístiques[2].