Мигел де Сервантес
From Wikipedia, the free encyclopedia
Мигел де Сервантес Сааведра (исп. Miguel de Cervantes Saavedra, ХФА: miˈɣel de θeɾˈβantes saaˈβeðɾa; 29 сентябрь, 1547 (мухІканго лъаларо) – 22 апрель,1616 NS)[6] — испан хъвадарухъан, испан мацІалъул бищун кІудияв хъвадарухъан ва дунялалъул бищун машгьурал романчагІазул цояв хІисабалда жив машгьурав. Гьесул бищун машгьураб асарлъун ккола роман Дон Кихот, жиб гІемерисеб гьанжесел романазул тІоцебесеблъун[7][8][9] ва дунялалъул адабияталъул тІогьазул[10][11] цояблъун рикІкІунеб.
Мигел де Сервантес | |
---|---|
Миллат | Испанав |
Эмен | Родриго де Сервантес |
Эбел | Леонор де Кортине |
Лъади | Каталина де Салазар и Паласиос |
Лъимал | Изабель гІ.-ш. 1584[5] |
Адабияб гьунар | |
Пишаялъул тайпа |
|
Адабияб мазгьаб |
|
Жанр |
|
Машгьурал асарал |
|
Автограф | |
Асарал Викитекаялда | |
Медиафайлал Викигъамасалда | |
Цитатаби Викицитатаялда |
Гьесул гІумруялъул кІудияб бутІа ун буго мискинлъиялда, гьелъул гІемерисел рахъал яги мухІканал гьечІо, яги тІубан лъалел гьечІо, ва гьесул нахъе хутІарал хІалтІабазул гІемерисел хъван руго хвалдаса лъабго соналъ цере. БукІаниги, гьесул асар ва адабияб ирс буго цІакъ кІвар бугеб, гьеб бихьула испан мацІалде "Сервантесил мацІ"–илан абиялъулъ[12].
1569 соналъ Сервантес Испания тун къватІиве ине ккана ва рещтІана Румалда; гьенив хІалтІулев вукІана кардиналасул рокъов. 1570 соналъ гьес живго хъвала Испаниялъул ралъдал лъелаб аскаралъул къокъаялде, ва 1571 соналъул октобералда захІматго лъукъана Лепантоялъул рагъулъ. Солдатлъиялъда гьев вукІана 1575 соналъ-лъагІан, гьеб мехалъ гьев асир гьавула бербер пиратаз; щуго сон асирлъудаги бан вичунги восун, гьев нахъвуссуна Мадридалде.
Гьесул тІоцебесеб кІвар бугеб роман "Галатея" (исп. La Galatea) басмаялде бахъана 1585 соналъ, гьеб заманалъ гьев жеги хІалтІулев вукІана бича-босиялъул агентлъун, хадув пачалихъияб магъало бакІарунчилъун. Дон Кихот романалъул тІоцебесеб бутІа басма гьабуна 1605, кІиабилеб букІа — 1615 соналъ. Сервантесил цогидал асаразда гъорлъ руго 12 Novelas ejemplares (Мисалиял романал); халатаб шигІру Viaje del Parnaso (Парнасалде сапар); ва Ocho comedias y ocho entremeses (Микьго пьеса ва микьго антракт). Los trabajos de Persiles y Sigismunda (Персилесил ва Сигизмундал захІматал) басмаялде бахъана 1616 соналъ.