Hacı Zeynalabdin Tağıyevin sarayı
From Wikipedia, the free encyclopedia
Hacı Zeynalabdin Tağıyevin sarayı — Bakı şəhəri, H. Z. Tağıyev küçəsi 4 (köhnə Qorçakovskaya küçəsi 6) ünvanında yerləşən, əvvəllər Bakı milyonçusu Hacı Zeynalabdin Tağıyevə məxsus olmuş, hazırda isə Azərbaycan Tarix Muzeyinin yerləşdiyi saray binasıdır. Bina 1893–1902-ci illərdə mülki mühəndis Y. V. Qoslavski tərəfindən inşa olunub. Saray həyat yoldaşı Sona xanım üçün Tağıyevın hədiyyəsi idi.[2]
Hacı Zeynalabdin Tağıyevin sarayı | |
---|---|
| |
40°22′10″ şm. e. 49°50′24″ ş. u. | |
Ölkə | Azərbaycan |
Şəhər | Bakı Bakı |
Yerləşir | H.Z.Tağyev küçəsi, 4 |
Aidiyyatı | AMEA |
Memar | Yuzef Qoslavski[1] |
Sifarişçi | H.Z.Tağıyev |
Tikilmə tarixi | 1893 - 1902 |
Üslubu | İntibah memarlığı |
Sahəsi | 3000 m2 [2] |
Vəziyyəti | Azərbaycan Tarix Muzeyinin binası kimi fəaliyyət göstərir |
Rəsmi sayt | azhistorymuseum.az |
İstinad nöm. | 166 |
Kateqoriya | Bina |
Əhəmiyyəti | Ölkə əhəmiyyətli |
Vikianbarda əlaqəli mediafayllar |
Bina şəhərin mərkəz hissəsində bütöv bir kvartalı əhatə edir və zəngin planlaşdırma strukturuna malikdir. Bu əzəmətli saray hər dörd fasadı və nəhəng gümbəzləri ilə diqqəti cəlb edirdi. Əsas simmetrik fasad italyan renessansının təmtəraqlı formalarında həll olunub. Sarayın tikintisi zamanı, Qoslavski klassik order sistemindən istifadə etsə də, kompozisiyanın bəzi elementləri və zalların interyerləri Azərbaycan memarlıq ənənələrindən ilhamlanmışdır. Sarayın tikintisi zamanı müxtəlif memarlıq üslublarından istifadə olunmuşdu. Belə ki, simmetrik baş fasad italyan intibahının təmtəraqlı formalarında, təmizlik otağı fransız rokokosu, yemək otağı flamand barokkosu, yataq otağı isə modern üslubunda həll olunmuşdur.