Rominten meşəsi

Rominten meşəsi, Romniskaya puşça, Qırmızı meşə (alm. Rominter Heide‎, pol. Puszcza Romincka) — Rusiyanın Kalininqrad vilayətində, Nesterov rayonu ərazisində meşə. Meşənin kiçik hissəsi isə Polşa ərazisinə daxildir. Meşə kompleksinin ümumi sahəsi — təxminən 360 km²-dir. Ümumi ərazinin üçdə ikisi Rusiyaya məxsusdur. Polşaya məxsus Pominten meşə ərazisi qorunan ərazi statusuna malikdir. Rusiya ərazisində yerləşən meşə həm də Qırmızı meşə adı ilə tanınır. Ərazidə eyni adlı meşə təsərrüfatı və kənd yerləşir. Ərazidən ən böyük yaşayış məntəqəsi məhs — Krasnoles kəndidir^[1]. Polşa ərazisində isə meşəyə ən yaxın yaşayış məntəqəsi Qoldap şəhəridir.

Rominten meşəsi
rus. Роминтенская пуща, pol. Puszcza Romincka
Polşa ərazisində kəndlər arası meşə yolu
Ümumi məlumatlar
Sahəsi	36 000 ha
Yerləşməsi
54°22′17″ şm. e. 22°31′16″ ş. u.HGYO
Ölkə	Rusiya
Rominten meşəsi
Rominten meşəsi
Vikianbarda əlaqəli mediafayllar

Tarixi

Tevton ordeni zamanında meşə ov yeri kimi istifadə olunurdu. İldə bir və ya iki-üç dəfə, əsasən yay aylarında Tevton ordeni qrossmeysterləri öz qonaqları ilə birlikdə Rominten meşəsində böyük ova başlayardı. Ov bəzən həftələrcə davam edirdi. Digər vaxtlarda yerli əhaliyə meşədə ov etməyə icazə verilərdi. 1525-ci ildən isə aşağı təbəqənin meşədə ov etməsinə qadağa qoyuldu. 1739-cu ild prussiya kralının fərmanına əsasən meşə qorunmuş və ağac kəsimi qadağan olunmuşdur.

1890-cı ilin 23 sentyabrında Rominten meşəsinə kayzer II Vilhelm səfər etmiş və ərazi onun çox xoşuna gəlmişdir. Tezliklə II Vilhelm meşə ərazisində özünün ov rezidensiyasını inşa etdirmişdir.

Birinci Dünya müharibəsindən sonra Vilhelmin ov evi dövlətin əmlakı elan edildi. 30-cu illərdə ev turistlər üçün açıq elan edildi.

İkinci Dünya müahribəsindın sonra meşə ərazisi Polşa və SSRİ arasında bölüşdürüldü. SSRİ-yə aid ərazidə oduncaq tədarük edən müəssisə yaradılmışdır. Sərhəd zonası olduğundan meşə ərazisində təsərrüfat işlərinə məhdudiyyət qoyulmuşdur.

Xarici keçidlər

• Информация о истории пущи
• "Историческая справка и фотографии пущи на сайте «Калининградская область: следы прошлого»". 2007-04-25 tarixində arxivləşdirilib. İstifadə tarixi: 2008-07-04.
• "Исследование возможностей развития крупной транснациональной особо охраняемой природной территории «Роминтенская Пуща» (Калининградская область/Россия и Польша)" (PDF).^{[ölü keçid]}
• "«Охотничий дом императора»". 2014-07-14 tarixində arxivləşdirilib.
• Роминтенская пуща — Красный лес

İstinadlar

1. "Роминтенская пуща - Красный лес". 2022-09-12 tarixində arxivləşdirilib. İstifadə tarixi: 2020-04-08.