Vyeçnisa
From Wikipedia, the free encyclopedia
Vyeçnisa (bosn. Vijećnica), Sarayevo Bələdiyyə zalı (bosniya, xorvat və serbcə: Градска вијећница Сарајево) və ya Sarayevo bələdiyyə binası ― Bosniya və Herseqovinanın paytaxtı Sarayevoda tarixi bina. Tikili çex memarı Karel Parik tərəfindən 1891-ci ildə dizayn edilmiş, lakin nazir Benyamin fon Kallainin tənqidləri onun layihə üzərində işini dayandırmasına səbəb olmuşdur. Tikili ilkin dövrlərində Sarayevoda Avstriya-Macarıstan dövrünün ən böyük və ən çox təmsil olunan binası idi və bələdiyyə binası kimi xidmət edirdi.[2][3] Bina 9 may 2014-cü ildə yenidən istifadəyə verilmişdir.[4]
| Vyeçnisa | |
|---|---|
 | |
 | |
| Ümumi məlumatlar | |
| Növü | Ratuşa, kitabxana |
| Ölkə | |
| Koordinatlar | 43°51′32″ şm. e. 18°25′59″ ş. u.HGYO |
| Veb-sayt | |
| vijecnica.ba | |
 Vikianbarda əlaqəli mediafayllar | |
1892 və 1893-cü illərdə layihə üzərində işləyən Aleksandr Vittek xəstələndi və 1894-cü ildə Qratsda öldü. Layihə Kiril İvekoviç tərəfindən tamamlandı.
İnşaat işləri 1892-ci ildə başlamış və 32 000 kronu armatur və fitinqlər üçün olmaqla 984 000 kron maliyyətində başa gələn inşaat işləri 1894 ildə tamamlanmışdır. Bina rəsmi olaraq 20 aprel 1896-cı ildə açılmış və 1949-cu ildə Bosniya və Herseqovina Milli və Universitet Kitabxanasına təhvil verilənə qədər şəhər idarəsinə aid olmuşdur.
25 avqust 1992-ci ildə, Sarayevo mühasirəsi zamanı serblərin binanı atəşə tutması kitabxananı tamamilə məhv edilməsinə səbəb oldu. İtkilər arasında təxminən 700 əlyazma və bəziləri isə 19-cu əsrin ortalarında Bosniya mədəni dirçəlişinə aid olan serial nəşrlərinin bənzərsiz bir kolleksiyası da var idi. Hücumdan əvvəl kitabxanada 1,5 milyon cild və 155 mindən çox nadir kitab və əlyazma var idi.[5] Bəzi vətəndaşlar və kitabxanaçılar snayper atəşi altında olarkən bəzi kitabları xilas etməyə çalışdı və bu zaman ən azı bir nəfər öldü.[5]
Uzun müddət milli abidə olan binanın təmir edildikdən sonra müxtəlif tədbirlər üçün istifadə edilməsi planlaşdırılırdı. Təmirdən sonra bina bütün səviyyəli hökumətlər üçün müxtəlif protokol tədbirləri, konsertlər və sərgilər üçün istifadə ediləcəkdi.[6]
Bina illərlə aparılan təmir işlərindən sonra 9 may 2014-cü ildə Sarayevo Filarmonik Orkestri və Vedran Smayloviçin ifası ilə yenidən açılmışdır.[7]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
