Xırmandalı (Biləsuvar)
Biləsuvar rayonunda kənd From Wikipedia, the free encyclopedia
Xırmandalı — Azərbaycan Respublikasının Biləsuvar rayonunun Xırmandalı kənd inzibati ərazi dairəsində kənd.[3][4]
| Xırmandalı | |
|---|---|
 | |
| 39°27′04″ şm. e. 48°36′17″ ş. u.HGYO | |
| Ölkə | |
| Tarixi və coğrafiyası | |
| Saat qurşağı | |
| Əhalisi | |
| Əhalisi |
|
| Rəqəmsal identifikatorlar | |
| Poçt indeksi | AZ1317[2] |
Bayat tayfasında bir tirənin adı olub.[5]
Yaşayış məntəqəsinin adı türkdilli Xırmandalı tayfasının adı ilə bağlıdır. Mənbələrdə harmandalu/xarmandalu/xərbəndəlu/xudabəndəlu kimi qeydə alınan xırmandalıların adı bayat tayfasının tərkibində çəkilir və Səfəvilər dövlətinin siyasi həyatında mühüm rol oynadıqları göstərilir. Bu tayfanın adına İran və İraq toponimiyasında da rast gəlmək mümkündür. Qubalı Fətəli xan dövründə (1758-1789) xırmandalıların bir hissəsi Cənubi Azərbaycanın Ərdəbil əyalətindən köçüb Quba xanlığının Müşkür və Şabran mahallarına gəlmişlər. Füzuli rayonundakı Mandılı oykonimi də Xırmandalı adının təhrif olunmuş formasıdır.[6]
Oruc bəy Bayatın «Relaciones de Don Juan de Persia» kitabında bu tayfanın adı çəkilir və təsvir edilir ki, “Xırmandalı biz markizlərə deyirik.”[7]
Tarixi abidələri
Xırmandalı kəndində aşağıdakı daşınmaz tarix və mədəniyyət abidəsi qeydə alınmışdır:
| İnventar № | Abidənin adı | Tarixi | Yerləşdiyi ünvan | Növü | Əhəmiyyət dərəcəsi |
|---|---|---|---|---|---|
| 865 | Toraqaytəpə kurqanları[8] | Dəmir dövrü | Xırmandalı kəndinin yanında | Arxeoloji | Ölkə |
Kənd Muğan düzündə yerləşir.
Şəhidləri
- Abbasov Müşviq Allahverdi oğlu (1973–1992)[11] — Birinci Qarabağ müharibəsi şəhidi.
- Ağayev Fikrət Səftər oğlu (1968–1994)[12] — Birinci Qarabağ müharibəsi şəhidi.
- Əliyev Fuad İmanxan oğlu[13] — Birinci Qarabağ müharibəsində itkin düşmüş kənd sakini.
- Hacıyev Mehman Abasət oğlu (1994–1994)[14] — Birinci Qarabağ müharibəsi şəhidi.
- Qasımov Ayaz Hidəyət oğlu (1974–1993)[15] — Birinci Qarabağ müharibəsi şəhidi.
- Qurbanov Bəhruz Kəramət oğlu (1970–1994)[16] — Birinci Qarabağ müharibəsi şəhidi.
- Məhərrəmov Ceyhun Məhərrəm oğlu (1973–1992)[17] — Birinci Qarabağ müharibəsi şəhidi.
- Məmmədov Mehman Xıdır oğlu (1969–1994)[18] — Birinci Qarabağ müharibəsi şəhidi.
- Muradov Fərhad Əbülfət oğlu (1971–1993)[19] — Birinci Qarabağ müharibəsi şəhidi.
- Rzayev Vurğun Səxavət oğlu (1973–1994)[20] — Birinci Qarabağ müharibəsi şəhidi.
- Süleymanov Sərvət Xıdır oğlu (1973–1992)[21] — Birinci Qarabağ müharibəsi şəhidi.
- Usubov Altay Əlibala oğlu (1973–1994)[22] — Birinci Qarabağ müharibəsi şəhidi.
- Zeynalov Niyaməddin Məmmədqulu oğlu (1974–1993)[23] — Birinci Qarabağ müharibəsində itkin düşmüş kənd sakini.
- Məmmədov Elvin Tərlan oğlu (1992–2020)[24] — İkinci Qarabağ müharibəsi şəhidi.
Kənddə Xırmandalı kənd kitabxana filialı,[25] Xırmandalı kənd Mədəniyyət Evi,[26] Xırmandalı Poçt Şöbəsi (AZ1317) və Xırmandalı EATS[27] fəaliyyət göstərir.
Kənddə Xırmandalı kənd 1 saylı və 2 saylı tam orta məktəbləri, eləcə də Xırmandalı kənd Uşaq İncəsənət Məktəbi fəaliyyət göstərir.[28][29]
Bundan başqa kənddə Xırmandalı kənd körpələr evi-uşaq bağçası və Xırmandalı kənd uşaq bağçası fəaliyyətdədir.[30]
Azərbaycan Respublikası Prezidentinin 12 fevral 2018-ci il tarixli Sərəncamı[31] ilə Biləsuvar rayonunun Xırmandalı kəndində 40 yerlik körpələr evi-uşaq bağçasının tikintisi üçün 854 000 manat vəsait ayrılmışdır.[32]
Kənddə 01 iyul 2011-ci ildə qeydiyyatdan keçən, şəhadətnamə nömrəsi 100111 A1-542-3 olan Xırmandalı kəndi "Əli Əkbər" məscidi dini icması[33] və 01 iyul 2011-ci ildə qeydiyyatdan keçən, şəhadətnamə nömrəsi 100111 A1-542-8 olan Xırmandalı kəndi "İmam Zaman" məscidi dini icması[34] fəaliyyət göstərir.
Kənddə Xırmandalı kənd sahə xəstəxanası yerləşir.[35]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
