Bayer 04 FK

"Bayer 04 Leverkuzen" (alm. Bayer 04 Leverkusen‎) tam adı ilə "Bayer 04 Leverkuzen GmbH" daha çox istifadə olunan adı ilə "Bayer Leverkuzen" və ya sadəcə "Leverkuzen" — Almaniyanın Şimali Reyn-Vestfaliya əyalətindəki Leverkuzen şəhərində yerləşən peşəkar futbol klubu. Almaniyanın ən üst səviyyəli futbol liqası olan Bundesliqada mübarizə aparır.

Bayer 04 FK
Klubun tam adı	Bayer 04 Leverkusen Fußball GmbH
Ölkə	Almaniya
Ləqəb(lər)	Die Werkself Neverkusen
Rəng(lər)	Qırmızı-qara
Yaranma tarixi	1 iyul 1904
Stadionu	Bay-Arena, Leverkusen
Tutumu	30 210
Prezidenti	Volfhanq Holtshoyzer
Baş məşqçisi	Erik ten Haq[1]
Liqa	Bundesliqa
2024/25	2
Ev forması Səfər forması Üçüncü forma
Rəsmi saytı
Vikianbarda əlaqəli mediafayllar

1904-cü ildə eyniadlı əczaçılıq şirkətinin ("Bayer") Leverkuzendəki qərargahında çalışan işçilər tərəfindən təsis edilən "Bayer 04 Leverkuzen", əvvəllər "TSV Bayer 04 Leverkuzen" və "RTHC Bayer Leverkuzen" idman klublarının bir şöbəsi olmuşdur. Həmin idman klublarının üzvləri atletika, gimnastika, basketbol, sahə həndbolu, avarçəkmə, tennis və hokkey kimi müxtəlif idman növlərində iştirak edirlər. 1999-cu ildə futbol şöbəsi bu çoxşöbəli idman klubundan ayrılmışdır.

"Bayer Leverkuzen"in əsas rəngləri qırmızı və qaradır; bu rənglər həm oyun formalarında, həm də klubun loqosunda əks olunur. Klubun əsas rəqibləri "1. FC Köln", "Borussiya Münhenqladbax" və "Fortuna Düzeldorf"dur.^[2]

1979-cu ildə "Bundesliqa"ya yüksələn "Bayer Leverkuzen", ilk yüksək səviyyəli titulunu 1988-ci ildə "UEFA Kuboku"nu qazanaraq əldə etmişdir. Klub ilk yerli kubokunu isə 1993-cü ildə "DFB Pokal"ı qazanmaqla əldə etmişdir. 2002-ci ildə "Bayer Leverkuzen" üç turnirdə — o cümlədən "UEFA Çempionlar Liqası"nda — ikinci yeri tutaraq tarixində unikal bir mövsüm keçirmişdir. 30 ildən çox kuboksuz keçən müddətdən sonra, 2024-cü ildə klub həm ilk "Bundesliqa" çempionluğunu, həm də ikinci "DFB-Pokal" qələbəsini qazanmışdır.^[3][4] Bu nəticə ilə "Bayer Leverkuzen" məğlubiyyətsiz şəkildə çempionluq və "dubl" qazanan ilk (və yeganə) Alman komandası olmuş, həmçinin ardıcıl 51 məğlubiyyətsiz rəsmi oyunla Avropa rekordu müəyyənləşdirmişdir.

26 may 2025-ci ildə Erik Ten Haqın "Bayer"ə baş məşqçi təyinatı rəsmiləşib^[5]

Tarix

Əsası 1904-cü ildə Bayer kimya şirkəti tərəfindən qoyulub.

Uğurları

Almaniya

• Bundesliqa

Çempion (1) — 2023-24

İkinci (5) — 1996-97, 1998-99, 1999-00 2001-02, 2010-11

• 2. Bundesliqa (şimal)

Çempion (1) — 1978-79

• DFB-Pokal

Çempion (2) — 1992-93, 2023-24

İkinci (3) — 2001-02, 2008-09, 2019-20

• DFL-Supercup

Çempion (1) — 2024

İkinci (1) — 1993

Avropa

• UEFA Çempionlar Liqası

İkinci (1) — 2001-02

• UEFA Kuboku/UEFA Avropa Liqası

Çempion (1) — 1987-88^[6]

İkinci (1) — 2023-24

Əsas qeydlər

• 1 iyul 1904: TuS Friedrich Bayer & Co 1904 Leverkusen kimi yaradılıb.
• 31 may 1907: Futbol komandası yaranıb.
• 1923: FV 1904 Leverkusen adlanıb.
• 1928: Box-Verein Wiesdorf və SV 04 Leverkusen qarışıb.
• 1935: SV Bayer 04 Leverkusen adlanıb.
• 1938: TuS Friedrich Bayer & Co 1904 Leverkusen BSG 04 Leverkusen qarışıb.
• 1943: SV Bayer 04 Leverkusen adlanıb.
• 1945: SV 04 Leverkusen adlanıb.
• 1948: SV Bayer 04 Leverkusen adlanıb.
• 1974: TuS 04 Leverkusen TSV Bayer 04 Leverkusen qarışıb.

İstinadlar