Cəlal Qurbanov

Cəlal Cavanşir oğlu Qurbanov-Mir Cəlal (19 mart 1980, Bakı) — Azərbaycan Yazıçılar Birliyinin üzvü, nəğməkar-şair, Prezident təqaüdçüsü, "Fire Land Group"-un rəhbəri, Milli Güləş Federasiyasının prezidenti (2021–2023)^[1]. 2001–2023 DGK Gömrük Xidməti polkovniki.^[2]

Cəlal Qurbanov
Şəxsi məlumatlar
Doğum tarixi	19 mart 1980(1980-03-19) (45 yaş)
Doğum yeri	Bakı, Azərbaycan SSR, SSRİ
Təhsili	Azərbaycan Respublikasının Prezidenti yanında Dövlət İdarəçilik Akademiyası
Atası	Cavanşir Qurbanov

Həyatı

Qurbanov Cəlal Cavanşir oğlu 19 mart 1980-ci ildə Bakı şəhərində anadan olub. 1986-cı ildə Yasamal rayonunda yerləşən 21 saylı orta məktəbin birinci sinfinə daxil olub. 1996-cı ildə həmin məktəbin 11-ci sinfini bitirib, "Təfəkkür" Universitetinin İqtisadiyyat fakültəsinə daxil olub. 2000-ci ildə həmin universiteti birinci kursunu müvəffəqiyyətlə bitirib Dövlət Neft Akademiyasından zəmanət götürərək, könüllü olaraq hərbi xidmətə yollanıb. Hərbi xidməti başa vurduqdan sonra təhsilini davam etdirib. 2003-cü ildə ADNA-nın Neftin sənayesi və Ekologiyası ixtisası üzrə magistr pilləsini bitirmişdir. 2005-ci ildə Prezident yanında Dövlət İdarəçilik Akademiyasına "İnzibati idarəetmə" fakültəsinin Dövlət və bələdiyyə idarəetməsi ixtisası üzrə təhsil almaq üçün qəbul olunmuş və 2008-ci ildə bitirmişdir. 2001–2023-cü illərdə DGK Bakı Baş Gömrük İdarəsidə Gömrük Xidməti Polkovniki vəzifəsində çalışmışdır.^[3]

Sərbəst Güləş üzrə idman ustalığına namizəddir. 2021–2023-cü illər ərzində Milli Güləş Federasiyasının prezidenti olaraq fəaliyyət göstərmişdir. 15 fevral 2021-ci ildə Azərbaycan Milli İdman Növləri Assosiasiyasının vitse-prezidenti seçilib.^[4]

Fəaliyyəti

Əmək fəaliyyəti

15.01.2001–24.07.2001-ci illərdə Azərbaycan Dövlət Gömrük Komitəsi Azərterminalkomleks birliyi Bakı Şöbəsi mütəxəssisi kimi fəaliyyət göstərmişdir. 2003– 2007-ci il tarixlərində Azərbaycan Dövlət Gömrük Komitəsi Bakı Baş Gömrük İdarəsi, Keşlə Gömrük postunun inspektoru kimi fəaliyyət göstərmişdir. Həmçinin 2004– 2007-ci il tarixi ərzində Azərbaycan Dövlət Gömrük Komitəsi Bakı Baş Gömrük İdarəsi, Rəsmləşdirmə şöbəsi böyük inspektoru vəzifəsində çalışmışdır. 2004–2018 – çi illərdə Azərbaycan Dövlət Gömrük Komitəsi Bakı Baş Gömrük İdarəsi Baş inspektor kimi çalışıb. 2016–2018 – Bakı Baş Gömrük İdarəsində yaradılmış "Yaşıl Dəhliz" buraxılış sisteminin qrup rəhbər təyin olunmuşdur. 2018– 2023 – çi illərdə Azərbaycan Dövlət Gömrük Komitəsi Bakı Baş Gömrük Komitəsi Hava Nəqliyyatı Baş Gömrük İdarəsi baş inspektor vəzifəsində çalışıb.

Yaradıcılığı

2013-cü ildən Azərbaycan Yazıçılar Birliyinin üzvüdür. "Fire Land"Productionun rəhbəri, nəğməkar-şair, Prezident təqaüdçüsüdür. "Yaşa, yaşa, Azərbaycan!", "Mənim atam qəhrəmandır!", "Mənim oğlum qəhrəmandır!" layihələrinin rəhbəridir.^[5][6]

Şeirlərinə bəstələnən mahnılar

• Sevgi dünyamız – Gövhər Həsənzadə
• Durnalar – mus: Gövhər Həsənzadə
• Azərbaycan – Hikmət Mirməmmədli
• Əsgər marşı – Yaşar Baxış
• Öpsən – mus. Aygün Kazımova
• Sevgi yağışı – Sevinc Tağıyeva
• Səninlə – mus: Emil Şahin
• Kaş ki – mus:Rüstəm Zeynallı
• Nankorsan – mus: Gövhər Həsənzadə
• Sevən qəlbim – mus: Aygün Kazımova
• Xoşbəxt illər – mus: Minayə xanım
• Mən səninəm – mus: Məhəbbət xanım
• Dola mənə qolunu – Faiq Sücəddinov
• Sən Azərbaycanlısan – mus: Gövhər Həsənzadə
• Unut getsin – mus: Mikayıl Vəkilov
• Mənim deyilsən – mus: Muxtar Abseynov
• Etiraf – mus: Faiq Sücəddinov
• Sən bizimləsən – mus: Aygün Səmədzadə
• Apar məni – mus: Rüstəm Zeynallı
• Yoruldum – mus: Xanım İsmayılqızı
• Yad olduq – mus: Muxtar Abseynov
• Ötən günlər – mus: Nadir Əzimov
• Azərbaycan – mus: Vüqar Camalzadə
• Neyləyim – mus: Sevinc Tağıyeva
• Gizli sevgi – mus: Ramal İsrafilov
• Leyli Məcnun – mus: Abbas Bağırov
• Sənin oldum – mus: Gövhər Həsənzadə
• Göz yaşımı tökə-tökə – mus: Elza Seyidcahan
• Mənim gülüm – mus: Xumar Qədimova
• Sevgi harayı – mus: Xumar Qədimova
• Göy göl – mus: Aydın Abbasov
• Gəl görüşək – mus: Gövhər Həsənzadə
• Gəl barışaq – mus: Rüstəm Zeynallı
• Azərbaycan – mus: Nazim Məmmədov
• Darıxır ürək – mus: Aybəniz Güllər
• Əllərim darıxmasın – mus: Pərviz Mahmudov

Layihələri

• "Körpələrin səsi" – mus: Hakan Erol
• "İlk Avropa oyunları" – mus: Muxtar Abseynov
• "Sən Azərbaycanlısan" — mus: Gövhər Həsənzadə, ifaçılar: Fidan Qasımova, Xuraman Qasımova, Alim Qasımov, Zülfiyyə Xanbabayeva, Mustafa Ceceli, Fərqanə Qasımova (2013-cü il ASAN Xidmətin təşəbbüsü ilə)^[7]
• "Zəfərə doğru" — mus: Eldar Mansurov, ifaçılar: Avroviziya təmsilçiləri Samir Cavadzadə, Elnur Hüseynov, Səbinə Babayeva, Eldar Qasımov, Nigar Camal, Dilarə Kazımova (2018-ci il)^[8]
• "Yaşa, yaşa, Azərbaycan!" — mus: Rauf Məmmədov, ifaçılar: Rasim Balayev, Alim Qasımov, Natiq Şirinov, Zülfiyyə Xanbabayeva, Aygün Kazımova, Mirələm Mirələmov (2019-cu il)^[9]
• "Sən qalib gələcəksən" — mus: Gövhər Həsənzadə, İfaçılar:İlhamə Quliyeva, İlqar Muradov, Faiq Ağayev, Röya, Samir Cavadzadə, Elnur Hüseynov (2008-ci il)
• "Say Hallelujah" — söz: Cəlal Qurbanov, tərcümə: Nigar Həsənzadə, mus: Elnur Hüseynov, ifaçılar: Elnur Hüseynov, Fidan Hüseynova (2018-ci il)
• Rəhbəri olduğu "Fire Land Group"un təşkilatçılığı və Azərbaycan Respublikası Müdafiə Nazirliyinin dəstəyi ilə "Mənim atam qəhrəmandır" layihəsinin silsilə tədbirlər həyata keçirib.^[10]
• "Mənim Atam Qəhrəmandır" — söz: Cəlal Qurbanov, mus: Xanım İsmayılqızı, ifaçı: Zamiq Hüseynov
• "Azərbaycan" — söz: Cəlal Qurbanov, mus: Hikmət Mirməmmədli, ifaçılar: Aygün Kazımova, Zamiq Hüseynov
• "O tay, bu tay Azərbaycan" — söz: Cəlal Qurbanov, mus: Elçin Cəfərov, ifaçı: Mirələm Mirələmov^[11]

Təltif və mükafatları

• 27.01.2011 — Azərbaycan Respublikası Dövlət Gömrük Komitəsinin "Gömrük orqanlarında xidmətə görə" 3-cü dərəcəli döş nişanı
• 01.03.2016 — Azərbaycan Respublikası Dövlət Gömrük Komitəsinin "Gömrük orqanlarında xidmətə görə" 2-ci dərəcəli döş nişanı
• 28.05.2018 — Prezident təqaüdü
• 28.01.2022 — Azərbaycan Respublikası Dövlət Gömrük Komitəsinin "Gömrük orqanlarında xidmətə görə" 1-ci dərəcəli döş nişanı