Kubernetes

Kubernetes (/ˌkuːbərˈnɛtɪs, -ˈneɪtɪs, -ˈneɪtiːz, -ˈnɛtiːz/) və ya qısaca K8s^[5] — proqram təminatının yerləşdirilməsi, miqyası və idarə edilməsinin avtomatlaşdırılması üçün açıq mənbəli konteyner orkestrasiyası sistemi.^[6][7] Əvvəlcə Google tərəfindən hazırlanmış layihə hal-hazırda Cloud Native Computing Foundation tərəfindən idarə olunur.

Kubernetes
Tipi	azad və açıq mənbəli proqram, sertifikasiya[d]
Tərtibatçı	Google[1]
Repozitoriya	github.com/kubernetes/ku…
Proqramlaşdırma dili	Go[2][3][…]
Əməliyyat sistemi	Linux, Microsoft Windows, macOS
Yayımlanma tarixi	7 iyun 2014
Sonuncu versiya	1.33.3[4]
Sayt	kubernetes.io
Vikianbarda əlaqəli mediafayllar

Kubernetes adı qədim yunan dilindən gəlir, mənası "sükançı" və ya "pilot" deməkdir. Kubernetes tez-tez K və s arasındakı səkkiz hərfi sayılaraq K8s kimi qısaldılır.^[8]

Kubernetes containerd və CRI-O kimi müxtəlif konteyner iş mühitləri ilə işləyir.^[9] Onun böyük cloud-native iş yüklərini idarə edə bilməsi data mərkəzlərində geniş istifadəsinə səbəb oldu. Müstəqil proqram təminatı satıcılarından (ISV) bu platformanın çoxsaylı paylamaları ilə yanaşı əsas bulud satıcılarının buludda yerləşən təklifləri mövcuddur.^[10]

Tarixi

Google Cloud Summiti

Kubernetes Google tərəfindən 2014-cü ilin ortalarında buraxılıb.^[11] Layihənin yaradıcısı Co Beda, Brendan Börns və Kreyq MakLakki^[12][13] idi və qısa müddət sonra digər Google mühəndisləri, o cümlədən Brayn Qrant və Tim Hakin də onlara qoşuldu.^[11]

Kubernetes-in dizaynı və inkişafı Google-un Borg klaster menecerindən təsirlənib. Ən çox töhfə verənlərin əksəriyyəti əvvəllər Borg üzərində işləmişdir.^[14][15] Kubernetes-ə Star Trek-in keçmiş Borg personajı Doqquzun yeddisi^[ing.][16] şərəfinə "Project 7" kod adını verdilər və onun yeddimilli təkərini loqo olaraq seçdilər. C++ dilində yazılmış Borgdan fərqli olaraq, Kubernetes Go dilində yazılıb.