Musa Manarov

Musa Manarov (lak. Манаров Муса Хираманнул арс, 22 mart 1951^[1], Bakı) — lak mənşəli^[2][3] azərbaycanlı SSRİ pilot-kosmonavtı, ehtiyatda olan polkovnik, Sovet İttifaqı Qəhrəmanı (1988). SSRİ-nin əməkdar idman ustası (1989).

Musa Manarov
lak. Муса Маннаров Хираманнул арс
Musa Manarov, 1 dekabr 1987.
Doğum tarixi	22 mart 1951(1951-03-22)[1] (74 yaş)
Doğum yeri	Bakı, Azərbaycan SSR, SSRİ
Milliyyəti	lak[2][3]
Fəaliyyəti	mühəndis, kosmonavt, siyasətçi, Rusiya Federasiyası Dövlət Dumasının deputatı[d]
Mükafatları
Vikianbarda əlaqəli mediafayllar

Həyatı

22 mart 1951-ci ildə Bakı şəhərində anadan olmuşdur. SSRİ Hava Qüvvələrində mayor rütbəsinədək çatmışdır. 1974-cü ildə Moskva Aviasiya İnstitutunun məzunu olmuşdur. 1 dekabr 1978-ci ildə kosmonavtlıq dəstəsinə qəbul edilmişdir.

Hal-hazırda kosmosda ən çox vaxt keçirmiş 16-cı insandır. 21 dekabr 1987-ci il — 21 dekabr 1988-ci il tarixləri arasında uçuş mühəndisi olaraq "Soyuz TM-4" gəmisində kosmosda olmuşdur (365 gün, 22 saat, 38 dəqiqə). Daha sonra 2 dekabr 1990 – 26 may 1991-ci il tarixləri arasında yenə uçuş mühəndisi olaraq "Soyuz TM-11" gəmisində kosmosda olmuşdur (175 gün, 1 saat, 50 dəqiqə).