Tofiq Hüseynov (hərbçi)

Vikipediyada bu ad-soyadlı digər şəxslər haqqında da məqalələr var; bax: Tofiq Hüseynov.

Tofiq Hüseynov (19 aprel 1954, Xocalı, DQMV – 26 fevral 1992, Xocalı) — Azərbaycanın Milli Qəhrəmanı, Xocalı soyqırımı şəhidi.^[1]

Tofiq Hüseynov
Tofiq Mirsiyab oğlu Hüseynov
Tofiq Hüseynov
Şəxsi məlumatlar
Digər adı	Mixaylo
Doğum tarixi	19 aprel 1954
Doğum yeri	Xocalı, Azərbaycan SSR, SSRİ
Vəfat tarixi	26 fevral 1992 (37 yaşında)
Vəfat yeri	Xocalı, Azərbaycan
Vəfat səbəbi	şəhid
Dəfn yeri	Şəhidlər Xiyabanı
Vətəndaşlığı	SSRİ→ Azərbaycan
Milliyyəti	azərbaycanlı
Uşaqları	Yasəmən Həsənova,Əfsanə Ələkbərova,Murad Hüseynov
Atası	Mirsiyab Hüseynov
Anası	Minəş Hüseynova
Hərbi fəaliyyəti
Rütbəsi	Baş leytenant
Döyüşlər	Birinci Qarabağ müharibəsi
Təltifləri

Həyatı

19 aprel 1954-cü ildə Xocalı şəhərində doğulmuşdur. 1961–1971-ci illərdə burada məktəbə getmişdir. 1974-cü ildə sovet ordu sıralarına çağırılmış, 1976-cı ildə ordudan tərxis olunmuşdur.

Döyüşlərdə iştirakı

1991-ci ildə Xocalıda yaradılmış özünümüdafiə taborunun yaradıcılarından olmuş, daha sonra komandir təyin edilmişdir. Onu Xocalıda "Mixaylo" adlandırırdılar. Ermənilər Naragux kəndindən Xocalını tez-tez top atəşinə tuturdular Tofiq bu ərazini müəyyənləşdirib ermənilərin qurğularını məhv edir. Daha sonra Mehdikənd kəndində yerləşən erməni quldurlarının artilleriyası "Alazan" qurğusu partladılmış, ferma darmadağın edilmişdi. Tofiq burada on erməni yaraqlısını əsir götürmüşdü. El oğlunun adı cəbhə boyu dolaşdı. Bu əməliyyatdan sonra ona mayor rütbəsi verilmişdir. Mixaylonun sonuncu döyüşü Xocalıda 26 fevral oldu, əsrin ən böyük soyqırımlarından olan bu hadisə törədilən zaman o, neçə-neçə dinc sakini təhlükəsiz yerə çıxara bilmişdi. Son nəfəsinə, sonuncu gülləsinə qədər vuruşan Tofiq onlarla erməni quldurunu məhv etdi son anda sonuncu qumbarasını sinəsinə sıxaraq özü ilə bərabər yaxınlığında olan erməni faşistlərini də partlatdı o həmin gecə doğma yurdunda gözlərini əbədi yumdu…^[2]

Ailəsi

Ailəli idi, üç uşağı- Yasəmən Hüseynova, Əfsanə Hüseynova, Murad Hüseynov. Müharibədə anası və atası öldürülmüşdür. Qardaşlarından biri əsir alınmış, digəri xilas olmuşdu.

Milli Qəhrəman

Azərbaycan Respublikası Prezidentinin 7 iyul 1992-ci il tarixli 833 saylı fərmanı ilə Hüseynov Tofiq Mirsiyab oğluna ölümündən sonra "Azərbaycanın Milli Qəhrəmanı" adına layiq görülmüşdür.^[1]

Bakı şəhərinin Şəhidlər xiyabanında dəfn edilmişdir.^[2]