V Harald

V Harald (norv. Harold V; 21 fevral 1937^[1][2][…]) — Qlüksburqlar sülaləsindən Norveç kralı(17 yanvar 1991-ci ildən).

V Harald
norv. Harald V
Şəxsi məlumatlar
Doğum tarixi	21 fevral 1937(1937-02-21)[1][2][…] (88 yaş)
Doğum yeri	Asker, Norveç
Təhsili	Oslo Universiteti (1955), Balliol kolleci (1960–1962)
Fəaliyyəti	monarx, əsilzadə
Atası	V Ulaf
Anası	Kraliça Marta
Həyat yoldaşı	Kraliça Sonya
Uşaqları	şahzadə Marta, şahzadə Hokon
Dini	Lüteranizm, Norveç kilsəsi
Rütbəsi	general, general, Admiral
Təltifləri
Vikianbarda əlaqəli mediafayllar

Bioqrafiyası

V Harald 1937-ci ildə şahzadə Olaf və Marta Daqmarın üçüncü övladı kimi dünyaya gəlmişdir. O cütlüyün ilk oğlan övladı idi.

3 yaşında almanların Norveçi işğal etməsi ilə bağlı olaraq ailəsi ilə birgə Vaşinqtona köçməli olurlar.

Müharibə bitdikdən sonra kral ailəsi yenidən Norveçə qayıdır.^[3]

Harald əvvəlcə Oslo Universitetindən, daha sonra hərbi akademiyada təhsil alır. 1960-cı ildə Oksford Universitetinə daxil olur.

1968-ci ildə Sonya Haraldsenlə evlənir. Bu izdivacdan şahzadə Hokon və şahzadə Marta Luiza doğulur.

17 yanvar 1991-ci ildə Olafın ölümündən sonra Harald taxta çıxır. O 1342-ci ildən bəri Norveç torpağında doğulan ilk kral olur.

2003–2004 və 2005-ci illərdə xərçəng və ürək-damar xəstəliklərindən əziyyət çəkən V Harald müalicə almaq üçün bir müddət hakimiyyətinə fasilə verməli oldu.^[4] Bu arada onun səlahiyhətlərini regent kimi oğlu vəliəhd şahzadə Hokon yerinə yetirirdi. Aparılan uğurlu əməliyatlardan sonra yenidən taxta qayıdır.

2015-ci ildə Antarktidaya səyahət edən ilk monarx kimi tarixə düşdü.^[5]

V Harald gəncliyindən yelkənli idmanla məşğul olur və dünya, Avropa və olimpiya yarışlarında iştirak etmişdir.

Ailəsi

• Kral V Olaf (1903–1991) — atası
• Kraliça Marta (1901–1954) -anası
• Kraliça Sonya (1937) — həyat yoldaşı
  • Şahzadə Marta Luiza (1971) — qızı
  • Şahzadə Hokon (1973) — oğlu