Əkmələddin Ehsanoğlu

Ekmeleddin İhsanoğlu (türk. Ekmeleddin İhsanoğlu, 26 dekabr 1943, Qahirə^[1]) — İslam Əməkdaşlıq Təşkilatının 2005–2014-cü illərdə Baş katibi.

Əkmələddin Ehsanoğlu
türk. Ekmeleddin İhsanoğlu
Şəxsi məlumatlar
Doğum tarixi	26 dekabr 1943(1943-12-26) (80 yaş)
Doğum yeri	Qahirə, Misir[1]
Partiya	MHP
Təhsili	Ayn Şəms Universiteti, Əl-Əzhər Universiteti, Ankara Universiteti
Fəaliyyəti	tarixçi, siyasətçi, universitet müəllimi[d], diplomat
Uşağı	3
Dini	sünni islam
Elmi fəaliyyəti
Elmi dərəcəsi	elmlər doktoru
Təltifləri
ihsanoglu.com/en/
Vikianbarda əlaqəli mediafayllar

Həyatı

1943-cü ildə Qahirədə doğulub. Ali təhsilini Misir Ayn Şəms Universitetində alıb, 1974-cü ildə Ankara Universitetində ədəbiyyat üzrə doktorluq dərəcəsinə yüksəlib. Ardınca elmi fəaliyyətini Böyük Britaniya universitetlərində davam etdirib.

E. İhsanoğlu YUNESKO-da və ABŞ-nin dünyaca ünlü Harvard Universitetinin fənn fakültəsini bitirib, tarix, batı-doğu mədəni-siyasi münasibətləri haqqında çoxsaylı elmi əsərlər yazıb. Onun əsərləri Harvard başda olmaqla, dünyanın bir sıra nüfuzlu ali məktəblərində dərslik statusundadır.

1974-cü ildə Ankara Universiteti Fen fakültəsində doktorluq tamamladıqdan sonra, İngiltərədə Exeter Universitetində doktor sonrası işlər etdi. İslam və Qərb mədəniyyəti ilə yaxından təması olan İhsanoğlu 1984-cü ildə professor oldu.

Osmanlı, Türk və İslam mədəniyyəti üzrə tanınmış mütəxəssislərdən biridir.

Yaxın dostları ona sayğı ilə "Elmel bəy" deyə müraciət edir.

Türkiyənin əsas müxalifət partiyaları — Cümhuriyyət Xalq Partiyası (CHP) və Milliyyətçi Hərəkat Partiyası (MHP) 2014-cü il prezident seçkilərində Ekmələddin İhsanoğlunun namizədliyi ilə vahid namizədlə çıxış etmək barədə razılığa gəliblər^[2].

İhsanoğlu 2000-ci ildə Türkiyə dövlətinin ali mükafatlarından olan Üstün Xidmət Medalı ilə təltif edilib. E. İhsanoğlu İordaniyanın I dərəcəli "İstiqlal" medalı və Misirin ali dövlət mükafatının da sahibidir.

Ekmeleddin İhsanoğlu evlidir və 3 uşaq atasıdır^[3].

İstinadlar

1. Deutsche Nationalbibliothek Record #123198968 // Ümumi tənzimləmə nəzarəti (GND) (alm.). 2012—2016.
2. "Arxivlənmiş surət". 2016-03-14 tarixində arxivləşdirilib. İstifadə tarixi: 2014-06-16.
3. "Arxivlənmiş surət". 2014-06-21 tarixində orijinalından arxivləşdirilib. İstifadə tarixi: 2014-06-16.