Маргарет Тэтчер

Ма́ргарет Хи́льда Тэ́тчер, бароне́сса Тэ́тчер (ингл. Margaret Hilda Thatcher, Baroness Thatcher; тыумыштан Ро́бертс; 13 октябрь 1925 йыл — 8 апрель 2013 йыл^[6]) — Бөйөк Британияның 1979—1990 йылдарҙағы 71-се премьер-министры (Консерватив партия), 1992 йылдан баронесса. Был вазифаны биләгән тәүге һәм әлегәсә берҙән-бер ҡатын-ҡыҙ, шулай уҡ Европа дәүләттәрендәге беренсе ҡатын-ҡыҙ премьер-министр. Тэтчерҙың етәкселек осоро XX быуатта иң оҙайлыһы. Советтар Союзы етәкселеген ҡырҡа тәнҡитләгәне өсөн уға «ҡаты леди» (русса «железная леди») ҡушаматы тағыла. Уның премьер-министр булараҡ тормошҡа ашырған консерватив саралары «тэтчеризм» тип аталған сәйәсәттең айырылғыһыҙ өлөшө.

Маргарет Тэтчер
Margaret Thatcher
Флаг Бөйөк Британияның Премьер-министры
4 май 1979 — 28 ноябрь 1990[1]
Монарх:	Елизавета II
Алдан килеүсе:	Джеймс Каллаган
Дауамсы:	Джон Мейджор
Дине:	Протестантка-методистка
Тыуған:	13 октябрь 1925({{padleft:1925|4|0}}-{{padleft:10|2|0}}-{{padleft:13|2|0}}) Грантем, Линкольншир, Англия, Британия империяһы
Үлгән:	8 апрель 2013({{padleft:2013|4|0}}-{{padleft:4|2|0}}-{{padleft:8|2|0}}) (87 йәш) Лондон, Англия, Бөйөк Британия
Ерләнгән:	[2][3]
Исеме:	ингл. Margaret Hilda Roberts[4][5]
Атаһы:	Альфред Робертс
Әсәһе:	Беатрис Стефенсон
Ире:	Денис Тэтчер
Балалары:	сын: Марк, дочь: Кэрол
Партия:	Бөйөк Британияның Консерватив партияһы
Белеме:	Оксфорд университеты
Сайт:	margaretthatcher.org
Наградалары:	Подвязка ордены Орден Заслуг Аҡ арыҫлан Ҙур Тәре ордены кавалеры Президент Азатлыҡ миҙалы

Йәшлек йылдары

Грантем ҡалаһында
М. Тэтчер тыуған йорт

М. Тэтчер тыуған йортҡа иҫтәлекле таҡтаташ ҡуйылған

Маргарет Робертс 1925 йылдың 13 октябрендә Грантем ҡалаһында тыуған. Уның атаһы Альфред Робертс сығышы менән илдең үҙәгендә урынлашҡан Нортгемптонширҙан, әсәһе — Беатрис Ител (тыумыштан Стефенсон) (1888—1960) Англия көнсығышында, Төньяҡ диңгеҙ буйындағы Линкольнширҙан^[7]. Уның бала сағы атаһының ике бакалея лавкаһы булған Грантемда үтә^[8].