Уҫылы ауыл Советы (Стәрлетамаҡ районы)

Уҫылы ауыл Советы  — Рәсәй Федерацияһы Башҡортостан Республикаһының Стәрлетамаҡ районы муниципаль районының административ-территориаль һәм муниципаль берәмеге.

Уҫылы ауыл Советы
Дәүләт	Рәсәй
Административ үҙәк	Үрге Уҫылы[1]
Административ-территориаль берәмек	Стәрлетамаҡ районы
Халыҡ һаны	1969 кеше (1 ғинуар 2018)[2], 2193 кеше (2002)[3], 2391 кеше (2009)[3], 2195 кеше (2010)[4], 2200 кеше (2012)[5], 2175 кеше (2013)[6], 2130 кеше (2014)[7], 2089 кеше (2015)[8], 2041 кеше (2016)[9], 1986 кеше (2017)[10]

Административ үҙәге — Үрге Уҫылы ауылы.

Тарихы

Башҡортостан Республикаһының «Башҡортостан Республикаһында муниципаль берәмектәрҙең сиктәре, статусы һәм административ үҙәктәре тураһындағы Законына» ярашлы ауыл биләмәһе статусына эйә^[11][12][13].

1992 йылдың 19 ноябрендә Уҫылы ауыл Советы составынан Суртан ауыл Советы бүлеп сығарыла, әммә 2008 йылдың 7 октябрендә Уҫылы ауыл Советы составына ҡайтанан индерелә.

Башҡортостан Республикаһы Президиумының 1992 йылдың 19 ноябрендәге 6-2/478-се һанлы «Стөрлетамаҡ районында Суртан ауыл Советын ойоштороу тураһындағы» Указында түбәндәге юлдар бар^[14]:

Башҡортостан Республикаһы Президиумы ҡарар итә:

1. Стөрлетамаҡ районында Суртан ауыл Советын ойошторорға, административ үҙәген Суртан ауылында урынлаштырырға.

2. Суртан ауыл Советы составына Суртан, Уҫылыбаш, Любовка ауылдарын индерергә, был ауылдарҙы Уҫылы ауыл Советы составынан сығарырға.

3. Суртан һәм Уҫылы ауыл Советтары сиктәрен тәҡдим ителгән схема картаһына ярашлы раҫларға.

Башҡортостан Республикаһы Стәрлетамаҡ районы муниципаль районының 2008 йылдың 7 октябрендәге 29/з-292-се һанлы «Башҡортостан Республикаһы Стәрлетамаҡ районының Уҫылы ауыл Советын һәм Суртан ауыл Советын берләштереү тураһындағы» ҡарарында түбәндәге юлдар бар^[15]:

" Башҡортостан Республикаһының административ-территориаль ҡоролошона түбәндәге үҙгәрештәрҙе индерергә:

40) Стәрлетамаҡ районы буйынса:

ж) „Уҫылы“ атамаһын һаҡлап, Уҫылы һәм Суртан ауыл Советтарын берләштерергә, административ үҙәген Үрге Уҫылы ауылында урынлаштырырға.

Суртан ауыл Советының Уҫылыбаш, Суртан, Любовка ауылдарын Уҫылы ауыл Советы составына индерергә.

Уҫылы ауыл Советы сиктәрен тәҡдим ителгән схема картаһына ярашлы раҫларға.

Суртан ауыл Советын иҫәп мәғлүмәттәренән алып ташларға;

Халҡы

Халыҡ иҫәбе
2002[16]	2009[16]	2010[17]	2012[18]	2013[19]	2014[20]	2015[21]
2193	↗2391	↘2195	↗2200	↘2175	↘2130	↘2089

Ауыл биләмәһе составында

№	Тораҡ пункты	Тораҡ пунктының тибы	Халҡы
1	Үрге Уҫылы	ауыл, административ үҙәк	↘732[17]
2	Суртан	ауыл	↘474[17]
3	Түбәнге Уҫылы	ауыл	↘444[17]
4	Уҫылыбаш	ауыл	↘348[17]
5	Любовка	ауыл	↘88[17]
6	Соңғор	ауыл	↘83[17]
7	Сулпан	ауыл	↘26[17]

Күренекле шәхестәре

• Асҡаров Сәлимгәрәй Сәхибгәрәй улы (12 декабрь, 1936 — 8 март, 1991) — синтетик каучук заводының өлкән аппаратсыһы (Стәрлетамаҡ ҡалаһы),  Социалистик Хеҙмәт Геройы (1976)^[22].
• Баһауетдинов Рәйес Ғөбәйҙулла улы (тыуған 15 январь, 1926) — Салават исемендәге колхоз рәйесе, Социалистик Хеҙмәт Геройы (1966)^[23][24].
• Насиров Юнер Ярулла улы (28 август, 1935 — 13 октябрь, 2002) — рәссам, СССР-ҙың Рәссамдар берлеге ағзаһы (1980), Башҡортостан Республикаһының атҡаҙанған мәҙәниәт хеҙмәткәре (1996)^[25].